Home Infrastructura Kico Aanlegvergunning ta, pakico, con pa bin na remarca y ki ora...

Kico Aanlegvergunning ta, pakico, con pa bin na remarca y ki ora tin sancion

13
0
SHARE
- Advertisement -

Director di DIP ta splica:

ORANJESTAD (AAN) – Den conferencia di prensa, e Director di Departamento di Infrastructura y Planificacion (DIP), sr. Jaime Croes, a elabora riba e puntonan cu a resalta, hopi durante e ultimo lunanan, cu peticionnan riba Aanlegvergunning (permiso pa construccion) ta wordo solicita na DIP.

El a cuminza pa bisa cu DIP sin DNM no por otorga un permiso di construccion. Tambe a  splica pakico tin cu pidi e permiso aki, ki ora e ta necesario, con e peticionario ta haye, a base di cual criterio DNM ta dune, y kico ta sosode si un persona haye pero no cumpli cune.

 PAKICO Aanlegvergunning?

Haime Croes a señala cu gobierno a pone como su prioridad preserva naturaleza, tambe e parti habitacional y tambe pa tin un comunidad sano. E aspectonan aki a wordo poni den dje pa comunidad di Aruba tin un calidad di bida halto.

Sr. Croes a indica cu e minister a bisa bon cla cu el a cuminza su maneho cu introduccion di e ROP, cual ta canando y a bisa duidelijk cu despues ta pasa pa un ROPV.

El a reitera cu esaki ta canando pero mientras tanto e minister a ripara cu si e no pone di biaha un guia na e desaroyo, mester tin un instrumento pa guie y asina cu e ROP caba, no a destrui mayoria di e naturaleza cu tin. Door cu Aruba ta chikito, e minister kier proteha locual cu tin.

Mientras tanto, sr. Croes a sigui bisa, e mandatario a haci uso di e ley di Landsverordening Ruimtelijke Ontwikeling (LRO) cu ta e instrumento cu ta dune un guia pa proteccion di naturaleza.

Esaki ta encera cu el a introduci dia 21 di December e Aanlegvergunning (permiso di construccion).

 

Ki ora ta bin na remarca?

Sr. Croes a splica cu tur hende cu tin un tereno di 50 vierkante meter (meter cuadra) y e kier bay rosa, coba, construi pa tur esaki mester di un Aanlegvergunning.

Pa un persona bin na remarca pa e permiso aki, e mester bay DIP. No mester lubida cu den ley e instancia concerni pa loke ta trata permiso pa construccion ta DIP. Importante ta cu e persona ta haya un formulario cu ta wordo yena. DIP ta pidi un plan unda cu e persona ta mustra kico e ta bay haci den e area, y tambe un potret di esaki su localizacion. Ora DIP ta haye, si tur cos ta bon ta consulta cu ROP y si tur cos ta cuadra DIP ta mande pa DNM cu ta controla y manda pa DIP su conseho, cual ta bay despues na Minister, ken ta esun cu ta otorga e permiso.

Croes a indica cu e Aanlegverguning cu e persona ta haya por ta parti den diferente categoria. Un cu e persona por construi sin ningun problema, un unda mester tene cuenta cu cierto aspectonan por ehemplo vegetacion y habitat y e ultimo cu e persona no ta haya e permiso.

Sancion:

E director di DIP a referi na e sancion ora un persona no ta cumpli cu e stipulacionnan di e permiso. Den articulo 44 e ley LRO ta indica cu e persona por haya un strafe di 2 luna y un multa di 5 mil florin. Y si ainda e no ta cumpli por haya acerca un multa di 2 mil florin.

Croes a subraya cu e Aanlegvergunning ta un  ley den e LRO. Gobierno ta haciendo esaki na un forma cu no ta pa pone sancion riba hende sino pa proteha nos medio ambiente, pensando riba nos futuro generacionnan cu tin derecho di biba mesun bon cu e comunidad awo ta biba y tur hende mester ta conciente di esey. DIP ta pidi pueblo pa tambe yuda controla na un forma consistente y conforme ley.

- Advertisement -

DUNA COMENTARIO

Please enter your comment!
Please enter your name here