Home Comercio Kier pone focus ariba negoshinan y inversionistanan local pa desaroya e sectornan...

Kier pone focus ariba negoshinan y inversionistanan local pa desaroya e sectornan prometedor

62
0
SHARE
- Advertisement -

Minister Ruiz Maduro: Pa medio di capacitacion empresarial

ORANJESTAD (AAN): Minister Xiomara Ruiz Maduro tabata presente na e clausura di e “Business Week 2019” organiza pa Departamento di Asuntonan Economico, Comercio y Industria, hunto cu Exprodesk y IDEA.

E mandatario a duna di conoce cu tur kier gobierno kier haci mas facil pa tur hende haci negoshi. El a agrega cu e costo di haci negoshi tambe tey y esey ta un punto cu tambe kier traha ariba dje.

Pesey ta encaminando un trayectoria di ‘e-government’ pa asina por duna un mihor servicio y mas rapido pa e comerciantenan y e ciudadanonan.

Segun e mandatario, kier enfoca ariba e negoshinan y inversionistanan local pa desaroya e sectornan prometedor y sigur e industria creativo ta un di e ehempelnan cu kier mira bin ariba pia.

El a bisa cu e ta convenci cu Aruba ta yena cu talento y pa stimula e actividadnan comercial bao di e grupo aki ta brinda e sosten necesario di e capacitacion empresarial pa medio di IDEA, Exprodesk y Enseñanza pa Empleo.

“Ta keda un empeño di cada un di nos pa capacita nos mes, hacie di nos y e ora ey saca afo locual nos tin na talento, pero usando e conocimento cu nos a adkiri pa asina nos sa cu nos por yuda nos mes y yudando nos mes nos ta yuda comunidad henter”, Minister Ruiz Maduro a manifesta.

- Advertisement -

DUNA COMENTARIO

Please enter your comment!
Please enter your name here