Home arte y espectaculo LeerOrkest Aruba: Tur Mucha lo Tin e Oportunidad pa Haya Les di...

LeerOrkest Aruba: Tur Mucha lo Tin e Oportunidad pa Haya Les di Musica

25
0
SHARE
- Advertisement -

ORANJESTAD (AAN): E proyecto ‘LeerOrkest Aruba’ ta un iniciativa di Sr. Johnny Croes, docente di musica y miembro di directiva di Aruba Symphony Festival & Academy, pa trece esaki na Aruba.

Den e luna di december a tuma contacto cu Sr. Marco de Souza, fundador di e proyecto LeerOrkest na Amsterdam pa asina mira e posibilidadnan pa un LeerOrkest pa Aruba.

Dialuna 29 april Sr. De Souza tabata di bishita na Aruba y hunto cu Sr. Croes a reuni cu Sr. Rudy Lampe, minister di enseñansa y cu Sr. Andin Bikker, minister di Husticia pa asina mira e posibilidad pa Aruba tambe por tin un LeerOrkest. A splica cu esaki ta un forma nobo di educacion di musica na unda tur mucha, principalmente pa esnan di menos recurso ta haya e oportunidad, durante oranan di school, pa siña toca un instrumento. E programa LeerOrkest na Amsterdam ta existi pa 12 aña caba y ta masha exitoso na unda mas cu 3000 mucha ta haya les na 18 school basico y cada school tin su orkesta. Corsou tambe tin su LeerOrkest pa 2 aña caba cu resultadonan hopi positivo.

“Muchanan cu haya les di musica ta bira muchanan mas contento y esaki ta hopi positivo pa nan desaroyo, y ta evita cu nan por bay de mal caminda. Es decir, ta comproba cu e LeerOrkest tin balor educativo, cultural y hudicial preventivo”, segun Sr. Johnny Croes.

Mirando e importancia cu e proyecto aki tin pa cu e desaroyo pa nos muchanan y tambe pa cu e comunidad a dicidi pa firma un MOU entre minister Lampe, minister Bikker y Sr. Grapperhaus, minister di husticia di Hulanda pa asina pronto Aruba tambe por tin su LeerOrkest.

- Advertisement -

DUNA COMENTARIO

Please enter your comment!
Please enter your name here