Home Gobierno Ley di ARBO mester bin pero introduci na un manera responsabel

Ley di ARBO mester bin pero introduci na un manera responsabel

48
0
SHARE
- Advertisement -

Directora di ATIA, Michelle de Groot:

ORANJESTAD (AAN):  Directora di Aruba Trade & Industry Association (ATIA), Michelle de Groot a expresa den entrevista cu DIARIO cu e prome sesion di e dialogo tripartite social-laboral tabata un introduccion pa loke ta e structura di e dialogo.

Tambe e bestuur a wordo instala y e prome tema a wordo introduci. El a bisa cu den e caso aki tabata un presentacion y ATIA no a discuti ariba esaki ainda, cual tabata e ley di ARBO.

ATIA ta di opinion cu e ley aki mester bin. “Como bon dunador di trabao bo mester cumpli cu cierto rekisito pa garantiza e seguridad y salud di bo trahadornan. Pues nos ta di acuerdo, pero atrobe manera mi a menciona anteriormente e mester wordo introduci na un manera responsabel, cu ta duna dunadornan di trabao suficiente tempo pa por prepara y bin cu cierto cambionan, de Groot a remarca.

Otro aspectonan tambe mester wordo introduci cu ta importante y no solamente e ley, pero tambe e ARBO Inspectie cu ta percura cu e ley aki ta wordo cumpli, a agrega.

Michelle de Groot ta opina cu control ta hopi importante pa no solamente esunnan cu ta cumpli, pero tambe esunnan cu ta cumpli mester wordo controla. Di tur dos banda, e dunador di trabao pero e trahador tin nan derecho pero tambe nan obligacionnan pa cu e ley aki.

Pa aworaki esey ta e unico tema cu e wordo toca den e dialogo tripartite. E gremionan y gobierno lo bay bek den nan seno pa bin cu un lista di prioridad relaciona cu e temanan cu lo wordo trata siguientemente y esaki lo ta na encargo bao di e gremio comercial, a indica.

- Advertisement -

DUNA COMENTARIO

Please enter your comment!
Please enter your name here