Home Parlamento Lo investiga companianan liga na miembro di prensa

Lo investiga companianan liga na miembro di prensa

159
0
SHARE
- Advertisement -

Parlamentario Endy Croes:

ORANJESTAD (AAN): Parlamentario Endy Croes a tuma nota cu tin algun miembro di prensa kendenan a djodjo cu placa di pueblo tanto di caha di gobierno y di companianan estatal bao di liderazgo di Mike Eman ta hopi spanta ultimo temponan aki.

A cera e cranchi ‘waterdicht’ pa nan y nan ta sapatia y ta manera carpata tur caminda nan ta buscando manera pa sigui cobra via un of otro amigo. Hustamente Speed y Patrick Paskel entre otro ta esnan cu ta lanta tur sorto di calumnia sea riba Gobernantenan, Parlamentarionan of Gobernacion.

A strica sumanan espantoso
A yega di mustra pueblo con Mike Eman a regala e amigonan aki masha masha hopi placa di pueblo. Tambe nos a yega di ilustra pueblo e manera bruto cu nan tabata cobra e placanan aki.

Sumanan anteriormente menciona di Afl.100 mil pa luna, Afl. 125 mil pa luna, facturanan di 70-80-90 mil florin cada luna riba diferente compania di cual nos tin prueba a surpasa e suma di 6.5 MIYON florin cu Mike Eman y AVP a regala amigonan manera Speed y Patrick Paskel.

Esaki pa nan tabata masha normal y asina tabata hiba un bida di luho.
Ainda tin trabaonan duro ta tumando lugar pa por yega na cifranan concreto tanto den Utilities, Elmar, WEB y RDA pa asina por yega na un total final. No por a drenta Lotto ainda pa mira cuanto e cabayeronan aki a “horta” na manera kisas legal y un investigacion lo bay determina esey pronto.

Den Elmar nos por a compronde cu Patrick y Speed tabata wordo trata manera un rey y pronto lo divulga algun sumanan espantoso cu nan tabata strica eyden.

Belasting tuma haci kens
Companianan a lanta manera paddestoel.

Asina banda di 24ora.com nan tabata tin e companianan “On to Move” y un otro cu yama “Paparazzie” ambos di Speed y Patrick Paskel pero tambe Teragroup, Paxi y Public Affairs unda tur tabata cobra contractonan lucrativo na Utilities y Elmar pa mesun tipo di trabaonan.

Den mas investigacion cu ta haciendo a bin sali na cla cu Belastingkantoor esta SIAD lo a manda pone beslag riba pagonan di entre otro Teragroup cu ta strica MIYONES na propaganda unda aparentemente nan no ta cumpli cu nan deber di paga belasting.

Un compania Bluefactor cu ta traha den un direccion di cumpra bo contracto over a tuma e contractonan di Utilities y Elmar y via e compania aki aparentemente Patrick Paskel tabata maniobra pa tuma belastingkantoor haci kens.

Wel nada ta keda scondi pa semper y nos ta haciendo un trabao y pronto lo saca serie di preguntanan mediante e canal oficial pa Minister pa por ricibi tur informe y documentacion alrespecto y asina entrega un keho oficial pa investiga e companianan aki riba doelmatigheid y rechtmatigheid di nan cobransanan haci for di fondonan di pueblo.

Dado caso resulta cu nan mester paga bek lo inicia e proceso pa cobra nan bek tambe.

Chupacabranan
Na final di añanan 90 tin casa di un di e gerentenan di e companianan aki a falsifica diploma na Directie Financien y ta teme cu kisas a usa mesun practica aki ya conoci pa nan, esta falsificacion di diploma, falsificando cu invoicenan cu a cobra Utilities, Elmar, Web y RDA. Investigacion lo determina esaki tambe.

Segun fuente, e casa di e magnate amigo di Mike Eman aki te hasta lo a cay cera den e fraude aki.

Lo busca mas informacion alrespecto pa asina pueblo por sa cu ken Mike Eman y AVP tabata anda y e pakico nan compromiso fuerte cu Mike y AVP pa ranca tur placa di e pueblo aki manera “chupacabra”.

Pueblo ta kere ta husto cu Patrick y Speed mediante un modus operandi cu cooperacion di Mike Eman a cobra 6.5 MIYON na propaganda? Esaki por ta normal? E bari aki no a yega fondo ainda y e suma lo sigui subi.

Momento cu tin avance lo brinda pueblo mas informacion, Parlamentario Croes ta termina splicando, Endy Croes a duna di conoce.

- Advertisement -

DUNA COMENTARIO

Please enter your comment!
Please enter your name here