Home Comentario Maduro ta bolbe trata di manipula Aruba na su interes

Maduro ta bolbe trata di manipula Aruba na su interes

109
0
SHARE
- Advertisement -

Analisis

Na 2014 tabata bisto na Aruba, cu Nicolas Maduro y Chavismo tabata un peliger pa stabilidad na Venezuela y e region. Den e tempo, cantidad di Venezolano tabata yega Aruba pa nan lanta nan placa cu ainda nan tabata tin na Venezuela, cu tabata zink na man di Nicolas Maduro.

Venezolanonan desespera cu tabata huy e pais, a perde tur nan propiedadnan mientras Nicolas Maduro a cuminsa busca forma pa hipoteca Citgo cu tabata su baca di lechi.

Un rapport di Asamblea Nacional di Venezuela, e Parlamento cu pueblo di Venezuela a dirigi directamente, a mustra con Nicolas Maduro y su grupo tabata laba placa di Citgo y otro interesnan financiero di Venezuela, cu tabata cay den miseria.

Tabata den un situacion cu tabata duna tur prueba necesario cu e barco Venezuela tabata zink, cu gobierno anterior di Aruba a cay y a hinca Aruba den trampa di Maduro. E hecho cu den gobierno anterior tabata tin un minister cu ta bon conoci cu e mundo petrolero na Merca di cual e mes mester tabata parti na cierto momento, ta aumenta e necesidad pa gobierno anterior tabata sumamente cauteloso.

Pero tabata na Cuba, cu a cay den gara di Nicolas Maduro, y a yega na un acuerdo pa hinca Aruba den man di Nicolas Maduro y su regimen. Di e forma aki a hinca Aruba den un situacion mundial, cu awe ta explota manera por a spera.

Mundo liber ta lanta para contra e dictadura di Nicolas Maduro, cu a logra manipula gobierno anterior di un forma of otro pa contra tur regla y ley, firma sin mandato reglamentario di Parlamento, e acuerdo di Citgo.

Aruba a wordo hinca directamente den e confrontacion entre mundo liber y paisnan comunista dor di e interes di Venezuela den Citgo.

Kico ta nifica manipulacion por mira awe cu economia di Aruba a wordo torpedia dor di e proyecto Citgo, cu a permiti entrada di personanan afilia na Maduro, cu Merca a nenga pa drenta su pais.

Na 2018 Nicolas Maduro a cera fronteranan cu islanan ABC. Riba exigencia di Reino, e fronteranan a habri atrobe.

Aparentemente Nicolas Maduro ta kere cu e por sigui manipula cu Aruba, cu awe ta sostene e opositor di Nicolas Maduro y tur esfuerso cu ta wordo haci pa baha Nicolas Maduro y asina pone un fin na e daño serio cu e situacion cu el a crea, a causa Aruba.

E Minister Presidente actual di Aruba a duna Nicolas Maduro e contesta cu e merece ora Aruba a cera porta di Aruba pa asina confronta e peliger serio di e grupo di Nicolas Maduro cu ta sconde den refugiadonan di mala fe.

Ta di spera cu ta e ultimo manipulacion di Maduro, cu mester busca otro luga pa sconde sea pa Guaidó, su enemigonan den su propio grupo, of Rusia y China cu no tin compasion ora nan interes ta na peliger.

- Advertisement -

DUNA COMENTARIO

Please enter your comment!
Please enter your name here