Home CORTE Mama cu a bay for di Aruba cu yiu a sconde na...

Mama cu a bay for di Aruba cu yiu a sconde na Argentina y mester a buske pa medio di autoridad

1861
1
SHARE
- Advertisement -

Segun Abogado Maggio:

ORANJESTAD (AAN):  Abogado Diego Maggio a representa Edmar Gietel na Argentina relaciona cu e caso unda un mama a bay vakantie Argentina cu e yiu y no a bin Aruba bek.

Gietel a caba di haya sentencia di un huez na Argentina unda e ta bisa cu e comunicacion entre tata y yiu mester wordo re-estableci. Mientrastanto, Gietel a bringando su caso na Aruba pa e gezag di 50% cu el a acorda cu e mama di su yiu wordo reconoci aki tambe.

Un otro caso lo tuma lugar na Argentina na Juni tambe relaciona cu e caso aki.

Por mira cu esaki ta e caso di un arubiano cu a busca ayudo pa bringa pa su derechonan na embahada hulandes na Argentina y aki na Aruba sin a logra. E caso por ta un precedente pa mas casonan cu tin na Aruba unda cu mayornan y yiunan ta wordo limita of priva di nan derechonan.

Den entrevista cu e abogado cu a representa Edmar Gietel na Argentina, el a bisa cu Aruba lo por a interveni cu hopi mas enfasis y no warda pa un huez na Argentina, despues di hopi tempo, cuminza menciona e convencionnan di derechonan di mucha y e situacion straño cu a sosode.

El a remarca cu e mama (C.M.M) di e mucha homber aki di 7 aña ta bisa cu e tin e derecho di sali cu e mucha rond mundo, locual ta rond mundo bay wordo cuestiona of pone obhecion ariba dje vooral teniendo cuenta cu e problematica di trafico di mucha.

Loke e huez na Argentina a cuestiona ta cu e persona aki a sali arbitrariamente sin autorizacion di e tata. E huez a bisa cu e tata, e mama y e mucha ta di Aruba y cu den sintesis esun cu tin cu resolve e situacion ta Aruba.

A enumera henter e tratadonan internacional, e reglamentonan, decretonan y ordenanzanan extensamente.

Maggio a haya cu e sentencia aki ta uno briyante y coleganan di dje ta asombra cu loke huez a bisa.

Na Argentina mes a denuncia publicamente cu loke e persona aki a haci desde dia 27 di September 2017. E caso mes na Argentina ta algo no usual pasobra ta involucra e derecho internacional.

E muher aki of ta mas inteligente cu tur of menos inteligente cu tur, a expresa. El a sconde akinan. Nos mester a buske pa medio di husticia. E expediente tin 400 pagina, un barbaridad. Mester a interveni su email, passwordnan, rednan social y lineanan di telefon”.

Segun Maggio, na November 2018 a yega na un convenio unda e tabata kier rectifica loke el a haci mal. Despues di dos of tres dia e no a cumpli cu locual a wordo acorda.

E ta di opinion cu e persona ta mal para huridicamente y te hasta Migracion a bise cu pa motivo di e conductanan cu e tin  ta hopi probable cu e no lo haya residencia na Argentina.

Tur cos ta mustra cu e delito cu e persona aki a comete ta uno masha grandi. ‘E señora ta den un encrucihada pasobra e lo mester cumpli y ta bay pidi pa e wordo condena penalmente. E delito a wordo denuncia, e tin cargonan na su nomber. Husticia tin su fingerprints y tur caminda sa cu e persona tin un delito ariba su lomba, e abogado a splica.

Personalmente el a lamenta cu Husticia na Aruba no a rekeri pa e señora aki bin Aruba bek. Na Argentina a hiba un caso penal ehemplar y pa loke ta e parti familiar lo haci uso di otro huez, kende ta bay tin na su encargo e imponemento di multanan pa tur e incumplimentonan cu el a comete, a duna di conoce.

C.M.M. tambe tin prohibi pa bandona Argentina y sigur lo pidi pa e haci trabaonan comunitario. A laga sa cu na scol e mayornan a keda sorprendi cu e conducta di e mama. “Tur hende ta repudia loke e muher aki a haci. Recien awor e ta purbando drecha su eror (…) Ta un situacion lamentable, a reitera.

- Advertisement -

1 COMMENT

DUNA COMENTARIO

Please enter your comment!
Please enter your name here