Home CORTE Mañan caso di traficacion di 200 kilo di marihuana den Corte

Mañan caso di traficacion di 200 kilo di marihuana den Corte

33
0
SHARE
— Corte di Husticia na Aruba
- Advertisement -

ORANJESTAD  (AAN) – Mañan, Diabierna mainta, Corte den Promer Instancia lo trata e caso penal cu Ministerio Publico a cuminsa contra dos Colombiano, kendenan tabatin un lote grandi di marihuana. E caso aki a bin dilanti na Februari 2019 pero a keda posponi.

Ta trata aki di e dos Colombianonan homber M.C. y E.L.

200 KILO DI MAIRHUANA

Na Februari 2019 ora cu e dos Colombianonan M.C. y E.L. a presenta den Corte, Fiscal a bisa Hues cu e acusacion contra M.C. y E.L. ta cu riba 22 October 2018, nan a purba drenta Aruba cu 200 kilo di marihuana den un boto. Fiscal a bisa cu e caso ta pro forma. Fiscal a propone na Hues pa dia 24 Mei 2019 pa 9’or di mainta e caso bin dilanti y keda trata. Hues a bay di acuerdo y a pospone e caso pa 24 Mei 2019.

E duo aki a wordo sorprendi cu e lote di droga aki riba un boto y henter e plan pa trece e droga Aruba a cay na awa.

Ta conoci cu narcotraficantenan ta purba usa Aruba como e trampolin pa droga yega sea Merca of Europa. Practicamente tur luna tin sea mulanan cu droga of botonan cu droga of razianan relaciona cu droga cu ta sosode riba nos isla.

Autoridadnan di Aruba entre otro Guarda Costa, Douane, Polis, ta trahando duro pa tene e droga leu di yega nos isla. Recien tabatin un caso di traficacion di lotenan grandi di droga pa Hulanda cu tambe a keda posponi. No mucho tempo pasa tabatin un caso grandi di traficacion di mas cu 300 kilo di cocaina den container, caminda door di fayo den e investigacion, Hues a declara e sospechoso liber. Hecho ta cu e droga no a yega su destino. Tambe tabatin un otro caso caminda a haya na un cas 110 kilo di cocaina den dos icejug. Tabatin cuater sospechoso deteni pero aki tambe, door di fayo den e investigacion, tur cuater a wordo declara liber. Aki tambe e lote di droga a keda confisca. Ta parce cu esnan cu mester controla henter e procedura di investigacion, no ta haciendo e control debido y ora e caso yega den Corte, abogadonan ta señala e fayo aki y Hues despues di evalua henter e caso ta bisa cu enberdad tabata falta mas investigacion y pesey ta declara e sospechosonan liber.

Mayan lo ta interesante pa scucha con henter e investigacion a tuma lugar y kico Fiscal ta pensa di e caso.

DIARIO lo atende e caso y lo informa lectornan kico tur a sosode den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here