Home Noticia Internacional Merca a prohibi tur vuelo entre nan teritorio y Venezuela

Merca a prohibi tur vuelo entre nan teritorio y Venezuela

160
0
SHARE
- Advertisement -

WASHINGTON: Departamento di Transporte di Merca a ordena riba diaranzon, e suspencion di tur vuelo di pasahero y di carga pa Venezuela desde nan teritorio, mencionando incidentenan di disturbio y violencia alrededor di aeropuertonan den e pais Sudamericano.

Den un carta na Departamento di Transporte solicitando e medida, Departamento di Seguridad Interior a bisa cu “condicionnan na Venezuela ta menaza seguridad di pasahero, avion, y tripulacionnan cu ta viaha pa of desde e pais”.

Departamento di Seguridad Nacional (DHS) a señala cu debi na e factornan cu ta afecta e pais, ta rekeri un suspension inmediato di tur vuelo comercial di pasahero y carga entre Merca y Venezuela.

E informacion a detaya cu e suspension di vuelonan lo keda “vigente indefinidamente”, y a indica cu Departamentonan di Estado, Transporte y di Seguridad Nacional lo sigui supervisa e condicionnan den e pais petrolero y, si esaki cambia, nan lo revisa e medida.

Varios aerolinea internacional no ta bula mas pa Venezuela debi na preocupacionnan di  seguridad y disputanan pa placa cu nan ta bisa cu gobierno local ta debe nan. American Airlines Group Inc a bisa na Maart cu nan a suspende indefinidamente nan vuelonan pa Venezuela.

E compania, cu sede na Fort Worth (Texas), a bula desde Miami pa Caracas y ciudad di Maracaibo.

American Airlines tabata e unico aerolinea Mericano cu a mantene nan vuelonan pa Venezuela desde Miami, despues cu  United y Delta a suspende e servicio na 2017.

Departamento di Transporte a indica den otro comunicado cu nan director, Elaine L. Chao, “a emiti un orden di suspension di servicio aereo completo entre Merca y Venezuela”.

Den e comunicado nan a splica cu e ley federal a autoriza suspende servicionan di companianan aereo foraneo y Mericano entre Merca y un pais extranhero, na momento cu ta existi condicionnan den aeropuertonan cu ta menaza “seguridad di pasahero, avion of tripulacion”.

Segun e nota di Transporte, e medida ta adicional na notificacion emiti dia 1 di Mei pa Administracion Federal di Aviacion, cu a prohibi operadornan di avion y pilotonan certifica pa Merca pa bula bao di 26.000 pia riba teritorio Venezolano, “tambe pa motibo di seguridad”.

Merca y Venezuela a suspende nan relacionnan diplomatico despues cu Gobierno di presidente Donald Trump a reconoce e lider opositor Juan Guaidó como mandatario interino di Venezuela.

- Advertisement -

DUNA COMENTARIO

Please enter your comment!
Please enter your name here