Home Naturaleza Mester por sigui haci uso di e recursonan, pero manteniendo un lama...

Mester por sigui haci uso di e recursonan, pero manteniendo un lama saludabel

15
0
SHARE
- Advertisement -

Experto Ariel Troisi:

ORANJESTAD (AAN): Ariel Hernan Troisi ta un experto cu a bin Aruba pa participa den e conferencia internacional di IOCaribe, cual ta un organizacion cu ta cay bao di UNESCO.

El a bisa cu e reunionnan aki ta trascendente y ta un oportunidad pa e estadonan miembro di e region di Caribe por dialogo y discuti ariba temanan critico.

Entre e temanan aki tin e situacion di e Sargasso, problemanan di acido of con pa aumenta e ‘ocean literary’ (cultura oceanico)  pa asina comunidad henter por compronde cual ta e situacionnan cu tin relaciona cu lama, e impacto y con esaki lo mester proteha e eco-sistema, a bisa.

Aruba tin un vinculo importante cu lama y pesey e reunionnan ta importante pa comparti experiencianan y pa saca e probecho di e conocimento cu tin den comun, Troisi a indica.

El a remarca cu lama ta hayando hopi impacto negativo door di e actividad di e homber.

A agrega cu e ‘ocean literacy’ ta yuda pa e comunidad bira conciente di cada un di e accionnan. Si nan tin of no un impacto ariba lama.

E experto ta di opinion cu mester ta mas cuidadoso pasobra kier sigui disfruta di bida, haciendo uso di e recursonan, pero manteniendo un lama saludabel. Y no ta solamente cuestion di pone reglanan. Ta cuestion di tuma conciencia di e interaccionnan cu tin.

“Pesey ta necesario pa sa cual ta nos relaciona cu lama”, a expresa.

E preocupacion, a bisa, ta pa tin comunidadnan conciente di e riesgonan cu ta procedente di lama manera e casonan di tsunami of e efectonan di e horcannan den zonanan cerca di e costa.

Tin preocupacionnan relaciona cu e cantidad di plastico cu ta yega lama. Tambe e impacto di actividadnan cu ta genera CO2, cu ta resulta den e “acidificacion” di lama y cu por trece problemanan pa e rifnan of pa e biodiversidad.

A enfatiza cu obviamente e cambio climatico y e aumento di e nivel di lama pa e poblacion di e costa of pa e islanan tambe ta un punto di preocupacion.

Tur e aspectonan aki ta obliga na traha mas fuertemente, a bisa.

Como isla mester ta mas conciente y tin biaha ta tuma e cosnan ‘for granted’ y no ta tuma conciencia di loke tin y di loke mester proteha.

El a indica cu den su prome bishita na Aruba el a ripara cu e beachnan ta basta limpi, pero tog el a keda asombra ora cu el a wak un saco di plastic ta bula y desafortunadamente el a bay cay den lama.  “Nos mester tuma conciencia di e cosnan aki”, Troisi a expresa.

- Advertisement -

DUNA COMENTARIO

Please enter your comment!
Please enter your name here