Home Naturaleza ‘Metabolic Foundation’ cu proyecto pa midi calidad di aire na Aruba

‘Metabolic Foundation’ cu proyecto pa midi calidad di aire na Aruba

45
0
SHARE
- Advertisement -

Siete miyon persona ta muri tur aña debi na malesa relaciona cu calidad di aire

ORANJESTAD (AAN):  Vocero di Departamento di Salud Publico, Jurette Croes, a duna di conoce cu nan ta trahando hunto cu World Health Organization (WHO) ariba nan plan nacional di malesanan no transmisibel.

El a indica cu algo cu ta afecta e salud di e comunidad grandemente ta e malesanan di asthma, bronkitis,  cu por wordo ocasiona door di polucion di aire na Aruba.

Pa e siman aki, DESPA ta enfoca ariba e topico aki pa informa kico ta wordo haci y kico DESPA ta bezig cune pa haci  investigacion ariba e topico aki.

Banda di esaki, Croes a laga sa cu e siman aki nan kier introduci “Metabolic Foundation”, cual ta un fundacion cu ta existi desde aña 2015. Nan no ta hopi conoci, pero tin un tarea hopi importante y nan ta traha ariba diferente aspecto di medio ambiente.

“Air Pollution” ta un topico cu e fundacion kier trece dilanti e siman aki y con esaki ta afecta salud. Na Aruba no tin hopi data ariba esaki y esaki ta e trabao di “Metabolic Foundation’.

Christie Mettes, project coordinator di e fundacion, a indica cu nan ta haya oportunidad pa papia ariba calidad di aire y con esaki ta afecta salubridad.

El a agrega cu hunto cu UNESCO y Futura Lab, nan a haya chens pa colecta data cu Aruba na e momento aki no ta hayando. Tin varios parametro di calidad di medio ambiente, a bisa.

Un di nan ta calidad di aire y ta elabora ariba esaki ya cu esaki ta afecta comunidad en general. A remarca cu na Aruba no ta recolectando data di calidad di aire y esey ta locual e fundacion ta bay haci.

A tuma nota cu mundialmente, di acuerdo cu WHO, mas di 90% di e poblacion ta biba cu un calidad di aire inadecua. Esaki ta afecta tur isla y tur ta monitor nan calidad di aire, specialmente e islanan cu tin maneho di desperdicio y produccion di energia similar na e sistemanan cu Aruba ta uza, Mettes a señala.

Siete miyon persona ta muri tur aña debi na malesanan relaciona cu calidad di aire, segun WHO. Tin cu asumi cu esaki ta conta pa Aruba tambe.

E problemanan mas specifico cu por wak ta cu esaki ta afecta 1 di cada 3 persona cu ta haya stroke, malesa cardiaco y malesa respiratorio. E ta un di e causanan primordial, cu incrementacion den casonan di asthma y ta hasta afecta e desaroyo cognitivo y cerebral di e fetonan.

E representante di e fundacion a indica cu esaki ta un problema mundialmente reconoci, como un di e 5 problemanan mas grandi den malesa no transmisibel. Kiermen, door di inhala aire cu ta contamina.

Christie Mettes a agrega cu hopi biaha ta midi esaki den dos tamaño diferente. Un di nan por wak (huma). Por ehempel, huma di WEB, na dump, for di auto. Pero tin un otro nivel cu ta mas chikito unda menos di 60 particula ta mescos cu un cabey. Esaki ta algo cu no por wak of hole, sinembargo e por drenta den bo sanger y afecta full e sistema.

 

LO MIDI CALIDAD DI AIRE

Esaki ta locual ‘Metabolic Foundation’ ta bay midi. Nan ta spera cu door do midi’e por cuminza un dialogo, informa y tuma accionnan pa mehora e calidad di aire si ta necesario. Ademas, lo midi e mehora despues di un tempo.

- Advertisement -

DUNA COMENTARIO

Please enter your comment!
Please enter your name here