Home Parlamento “Mi ta sinti un berguensa profundo momento scucha Benny Sevinger, e magnate...

“Mi ta sinti un berguensa profundo momento scucha Benny Sevinger, e magnate den corupcion di tereno, ta papia di asilo politico”

50
0
SHARE
- Advertisement -

Parlamentario Endy Croes:

ORANJESTAD (AAN): Parlamentario Endy Croes a tuma nota con Benny Sevinger e magnate den corupcion y facilitador den horta tereno di pais Aruba pa amigonan di cerca bende cu entre otro miyonarionan di Venezuela awor kier pretende cu gobierno actual no tin un plan pa atende cu e tematica di asilo politico.

 

Prepara pa duna cuenta

Na promer lugar Benny Sevinger no ta ni yega trabao, nunca ta na Parlamento y no ta atende ningun pero ningun reunion di vaste commissie desde november 2017. Ta un berguensa pa un prototipo asina cu ta abusando ainda di placa di pueblo, esta cobra salario di Parlamentario sin bin trabao y awor kier papia manera cu e tin e solucion. Benny a conta ful un storia di un plan cu segun e nan di AVP tabata tin alrespecto asilo y e ta manera na soño of bou influencia como cu por destila den su expresion cu e ta kere cu ainda e ta Minister. Benny Sevinger mester prepara pa “soon” cuminsa duna cuenta na e ladronicia di siglo riba e aspecto di terenonan di pais Aruba. No kere pasobra cu ta solamente “akkoord conform verzoek” bo tabata skirbi riba tur peticion bo lo scapa. Pueblo kier mira hendenan cu a comete actonan di sinberguensa asina contra nos pais para responsabel pa nan actonan. No lo exclui cu afpak team tambe lo hunga un rol importante den e desaroyo aki.

 

Politica di manipulacion

Biniendo bek riba asilo e gobierno aki tin su plan amplio y pa esey Benny no mester preocupa. Apesar cu ta trata di un tema delicado y sigur no un tema pa haci politica cune nos ta sinti cu AVP y Benny kier purba score cu temanan asina. E fli aki no ta subi mas. Pueblo conoce e politica di Mike Eman y Benny Sevinger caba, esta un politica di manipulacion y engaño. Hendenan manera Benny y Mike y e gang di AVP nunca pero nunca mas mester bolbe den ningun gobernacion. Ohala cu pronto pueblo cuminsa tende di e casonan cu ta andando. Nos sa cu Ministerio Publico tin su mannan yen pero tardi of tempran esaki lo mester presenta den e aña aki.

 

Un politico sin escrupulo

Pues Benny Sevinger, elegante lo ta pa entrega bo retiro y duna un otro hoben e oportunidad di siña e trabao. Uno pasobra bo no ta aparece na trabao y keto bay ta abusando di fondonan di pueblo y di dos ta cu bo no tin escrupulo. Pueblo ta corda dia Benny a grita den Parlamento “I don’t give a damn?” Pues el a coopera y facilita  robo di  terenonan di un pais  den un forma brutal anto riba dje grita den cas di pueblo I don’t give a damn!! Pueblo esaki ta bisa hopi ta ki sorto di mentalidad a dirigi e pais aki y ta splica alaves e desaster financiero y e mega debe laga atras pa AVP. Terminando Parlamentario Croes ta bisa Benny retira ‘staat netjes bij U!’

- Advertisement -

DUNA COMENTARIO

Please enter your comment!
Please enter your name here