Home Politica Mike Eman y AVP ta tribi bisa cu aumento di salario minimo...

Mike Eman y AVP ta tribi bisa cu aumento di salario minimo cu 3% ta causa inflacion, pero 46% di aumento no?

190
0
SHARE
- Advertisement -

Cos cu pueblo no ta compronde

ORANJESTAD (AAN): Un boletin di MEP, ta mustra cu pa nan ta increibel e cantidad di locuranan cu e lider di AVP Mike Eman a vocifera den e ultimo conferencia di su partido AVP.

Ta parce cu awor si (despues di 8 aña di negligencia total pa institucionnan renombra manera Banco Central y Oficina Central di Estadistica), Mike Eman a haya ta bon di lansa un otro mentira mas, esta cu e gobierno actual a priminti di aumenta e salario minimo te 2500 Florin pa luna.

Esaki el a expresa den e manifesto di 12 di april ultimo, esta durante di e manifestacion fracasa caminda el a declara entre otro cu “lo hisa salario minimo na 2500 Florin”. Di e forma aki Mike Eman kier a venena mente di pueblo cu su mentira y locuranan den cual te hasta e ta papia di “niun cen di aumento di salario minimo” durante e gobernacion actual.

Pero tur hende cu sano huicio por a mira caba bon Gabinete Wever Croes a aumenta e salario minimo desde 1 di januari 2018 te mei 2019 na 2 ocasion pa un total di Af. 84.88. Siguramente e aumento aki lo por ta hopi mas si e mesun Mike Eman no a hinca nos pais den debenan biyonario (90% di GDP) cu lo core te aña 2039 pa porfin yega na e nivel di debe laga atras na 2009 pa e gobierno di MEP, esta di 45%.

Pues por mira claramente cu den e manifesto di AVP di 12 april 2019 nan a exigi un aumento di salario minimo di 46% te na 2500 Florin. Sinembargo den forma huicioso Gabinete Wever Croes a aumenta e salario minimo cu 3% entrante 1 di mei 2019 y di biaha Mike Eman y AVP a critica cu e 3% aki lo causa inflacion. Ta p’esey e pregunta di MEP na Mike Eman ta cu si 3% ta causa inflacion, con lo mester categorisa e aumento di 46% aki di AVP? Ta asina kens Mike Eman kier pa e pueblo ta pa bay tras di su locuranan? Hecho ta cu pueblo no kier mira Mike Eman ni pinta mas!

- Advertisement -

DUNA COMENTARIO

Please enter your comment!
Please enter your name here