Home Infrastructura Minister a otorga landsbesluit na ambtenaarnan cu lo encarga cu maneho di...

Minister a otorga landsbesluit na ambtenaarnan cu lo encarga cu maneho di Aanlegvergunning

72
0
SHARE
- Advertisement -

ORANJESTAD (AAN) – Minister Otmar Oduber, pa finaliza e conferencia di prensa teni na DNM, diaranzon mainta, a bolbe riba e tema di Aanlegvergunning (permiso pa construccion).

E mandatario a comenta cu e ta haya hopi importante locual e director di DNM sr. Boekhoudt a trece dilanti, y a expresa cu incluso e ta sinti cu nan ta diez aña laat.

En todo caso, for di 2009 tin un ley di LRO unda cu den su maneho di ROP ta duna e posibilidad pa exigi un Aanlegvergunning, na momento di rosa terenonan.

E no ta wordo haci pasobra un hende cu a traha e ley kier tabata fastioso sino netamente pa loke por mira cu ta un problema den nos comunidad, segun e mandatario ta comenta.

El pone como ehemplo locual hopi biaha ta sosode ora cu tin awacero fuerte. Por ehemplo si traha cas cerca di un rooi, cual ta e efectonan cu e ta trece pa henter e bario rond di e tereno cu tin un rooi, y hopi biaha no solamente esaki pero e ta afecta e siguiente bario. Hopi biaha un dam ta bay over, manera na Rooi Afo cu ta ocasiona un problema enorme na Madiki, of esun na Mocco.

El a reitera cu den pasado a traha cas y edificio, a desaroya Aruba pero no a pone atencion riba e aspecto cu medio ambiente y naturaleza tabata tey prome cu desaroyo, y cu e naturaleza ta busca su caminda bek, con cu bay bin y por ocasiona hopi problema y e ta bira un gasto pa gobierno pasobra ta exigi pa tin riolering den place y tubonan, etc. E mandatario a señala cu tin un tarea grandi pa educa nos hendenan, y aunke ta diez aña laat nunca ta laat pa cuminza. Pesey tabata importante cu tabata presente e cuater ambtenaarnan cu a haya nan landsbesluit,  pa controla, ehecuta y vigila e maneho di Aanlegvergunning.

- Advertisement -

DUNA COMENTARIO

Please enter your comment!
Please enter your name here