Home Infrastructura Minister a pidi conseho na DTI y Comision Flora y Fauna riba...

Minister a pidi conseho na DTI y Comision Flora y Fauna riba coremento di autonan tipo utv

27
0
SHARE
- Advertisement -

ORANJESTAD (AAN) – Minister di Infrastructura, Medio Ambiente y Desaroyo Teritorial, sr. Otmar Oduber, den e conferencia di prensa cu a tuma lugar Diaranzon mainta na DNM, na San Nicolas, a splica cu el a pidi conseho di DTI y e Comision di Flora y Fauna, tocante e uso di autonan tipo UTV, riba nos Isla.

Ta trata di autonan hopi uza den turismo y cu aunke nan ta importante pa e turistanan, e uso mester ta compatible cu Aruba su medio ambiente y e seguridad den trafico.

Den pasado tabata tin discusion si nan mester core riba caminda na Aruba, por ehemplo cu e tirenan no ta adecua pa esaki, y ademas tin di nan no tin sign light, otronan no tin pito; of si nan mester pasa un keuring y si ta asina con esaki ta tuma lugar y e vehiculonan aki por ta riba caminda, etc.

E mandatario a señala cu tin hopi daño ta wordo causa riba camina door di e autonan aki, cu a bira popular y mas y mas ta biniendo na lugar di ta menos.

Den transcurso di e ultimo cinco añanan e cantidad a dobla, segun e mandatario, y nan ta mas uza cu jeep cu antes e turistanan tabata core mas tanto.

E dignatario a señala e necesidad di wak con pa condiciona esaki, pasobra tur e guianan turistico, hunto cu Minister di Turismo, mester pensa riba un certificacion y hunto cu DNM a papia riba esaki, pa certifica ken por ta un “tour guide” y ken no pasobra hopi daño ta wordo causa na nos medio ambiente.

Minister Oduber a subraya cu tur guia turistico kier ta popular y kier ta inventa algo, manera tempo cu nan tabata pone piedra riba otro, of nan ta core riba santo blanco, core riba beach, pasa riba habitat di shoko, etc. Reciente e dignatario a mira den media con nan ta core riba beach na Arashi unda tin flora y fauna, y pesey mester atende cu e guianan turistico pa ta sigur cu nan tin un tipo di licencia y nan “overdrive” nan por perde esaki.

- Advertisement -

DUNA COMENTARIO

Please enter your comment!
Please enter your name here