Minister di Husticia no ta wak pakico OM a haci uso di asistencia militar

Lo propone pa peticion sali for di Cuerpo Policial

ORANJESTAD (AAN):   Minister mr. Andin Bikker a reacciona pa medio di un comunicado di prensa y e ta indica cu no ta wak e motibo dicon Ministerio Publico a acudi na asistencia militar den e forma haci den e caso recien na un supermercado na Dakota.

Minister Bikker lo propone na Conseho di Minister pa considera restringi asistencia militar solamente na casonan caminda cu e peticion ta sali for di Cuerpo Policial, cual ta e organo central di combatimento di criminalidad y mantencion di orden publico.

A informa Ministerio Publico di esaki. Esaki mirando cu un par di biaha caba e comunicacion riba e procedura a resulta di no ta bay optimal, cual ta trece consternacion innecesario.