Home Gobierno Minister Otmar Oduber: San Nicolas lo ta e proyecto ehemplar den ROPV...

Minister Otmar Oduber: San Nicolas lo ta e proyecto ehemplar den ROPV pa yuda conserva su caracter unico

30
0
SHARE
- Advertisement -

ORANJESTAD (AAN): Durante conferencia di prensa Minister di Desaroyo Teritoiral, Infrastructura y Medio Ambiente Otmar Oduber a informa tocante di e proceso di introduccion di Ruimtelijk Ontwikkelingsplan (ROP) y Ruimtelijk Ontwikkelingsplan met voorschriften (ROPv) cu ta andando. Dialuna 6 di mei reunionnan tocante ROP a continua.

Pa loke ta e ROP nobo tin 137 zienswijze cu a drenta na Directie Infrastructuur en Planning (DIP) cu na e momentonan aki ta worde inventarisa pa percura pa atende cu esakinann den ROP nobo cu ta worde implementa na final di juni venidero.

Manera ta conoci, ley ta permiti pa Gobierno por a extende e ROP bieu un biaha, pa cual Gobierno a extende esaki cu dos luna pa duna oportunidad/ tempo pa e raad nobo, Raad voor de Ruimtelijk Ontwikkeling (RRO) por revisa esaki.

Miembronan di RRO ta refleha e balansa di desaroyo economico infrastructural y cuido di nos medio ambiente, pues a envolve esnan cu directamente ta mantene nan mes cu cuido di nos medio ambiente.

Pa 14 di juni venidero conforme ley, e RRO mester entrega nan conseho na Gobierno. Hunto cu e trabaonan haci na e momentonan aki di inventarisacion di zienswijze na DIP, lo percura cu pa final di juni e ley nobo worde introduci cu tur e adaptacionnan.

Importante ta, cu esaki ta un ROP cu a worde carga na un forma hopi habri y transparente, transmiti y comunica cu comunidad, Minister Oduber a enfatisa. E aspecto cu e RRO tin e oportunidad aworaki pa duna nan conseho, no a tuma luga na 2009 mesun elabora manera e ta tumando luga na e momentonan aki. Na 2009 tabatin menos cu 30 zienswijze, aworaki tin mas cu 130, esaki ta pasobra a traha duro riba e aspecto di conscientisacion pa comunidad ta informa di nan derecho di inzage y pa por entrega zienswijze. Despues cu ricibi e conseho di e RRO 14 di juni, lo añadi e conseho aki na e trabaonan cu ta worde haci pa inventarisacion di e zienswijze nan y pa fin di  juni ta spera cu por anuncia e ROP nobo na comunidad di Aruba.

Minister Oduber a splica cu paralel cu ta importante pa menciona cu ta bezig cu e ‘voorschriften’ pues e ROPv cu ta haci e implementacion di e Landsverordening ruimtelijke ontwikkeling (LRO) uno completo. Unda cu no solamente tin e responsabilidadnan pa e funcionario publico determina aden, sino cu e derecho y obligacion di e comunidad tambe ta worde ancra a traves di e maneho cu ta worde treci dilanti y e ley cu mester bay Parlamento, pa loke ta trata e voorschriften di ROP.

Ta spera cu na September e ley lo por ta na Parlamento pa por cuminsa su debate publico cu lo mester termina eorey den e ley oficial  cu lo worde publica. Den esaki importante ta cu a duna instruccion na e team trahando riba e ROPv hunto esnan di RHO advies bureau di hulanda, cu kier haci di San Nicolas un proyecto piloto caminda cu ta bay uza San Nicolas y e desaroyo cu kier crea den e area. Pa discribi esaki den hopi mas detaye pa proteha mas cu ta posibel e aspecto cu a identifica e desaroyo di San Nicolas cu ne cual ta esun di cultura y herencia. Pues locual kier evita ta cu e desaroyo cu ta bay tin na Sero Colorado, lo crea e mesun consecuencianan cu tin na e momentonan aki  na Palm Beach. Caminda cu na cierto momento a acomoda centro comercial y yen actividad den porta di hotel cual tabatin consecuencia negativo pa centro di ciudad.

Contrario na esaki, ROPv lo mester preserva y cuida e centro di ciudad na San Nicolas pa esaki keda e centro economico cu tincu sostene e desaroyo di alohamento cu por worde crea den e area di Sero Colorado. Minister Otmar a termina cu e splicacion aki, ilustrando locual cu por logra atraves di ROPv.

- Advertisement -

DUNA COMENTARIO

Please enter your comment!
Please enter your name here