Home Hudicial Mucha di 14 aña dilanti di Hues pa hincamento

Mucha di 14 aña dilanti di Hues pa hincamento

1731
1
SHARE
Aresto cu a socede durante e caso.
- Advertisement -

ORANJESTAD (AAN): Un mucha homber di 14 aña a presenta dilanti Hues na Aruba, pa un caso di hincamento.

Fiscal ta considera e caso un intento di mata pero Hues ta haya cu e caso no ta asina grave manera Fiscal ta pensa.  DIARIO tin di remarca, cu e caso a bin dilanti ‘pro-forma’.

Hues a dicidi pa laga e mucha liber pendiente dia di tratamento di e caso. Fiscal a bisa cu tin 8 caso pendiente cu e lo percura pa dia di tratamento di e caso presenta nan tur.

   MUCHA SOSPECHA DI INTENTO DI MATA:

E mucha homber T. (di apenas 14 aña di edad) ta worde acusa di intento di mata riba 31 di Januari 2019.  Esaki a socede riba tereno un tiki pazuid di un scol na Hato, unda tabatin monton di movimento y tanto Polis como Recherche a aglomera na e lugar pa pone ordo bek.  E victima mes a haye ta bay sconde den pida mondi patras di e Snackbar.

Fiscal a bisa Hues cu e caso ta pro forma. El a splica cu e procesverbaal di Polis no ta cla ainda.

Fiscal a bisa cu dia 31 Januari 2019, T. a hinca un homber diferente biaha.

Fiscal a mustra cu tin un cantidad di caso, en total 8 pendiente. A pidi raport di psycologo y di psychiater. Fiscal a propone 12 September 2019 pa tratamento di e caso.

   HUES LAGA MUCHA LIBER:

Hues a bisa Fiscal cu e tin algun pregunta. El a bisa cu e no a mira raport di docter, mirando cu ta un caso di hincamento y intento di mata. E kier sa con hundo e hincanan ta y gravedad di esakinan. Hues a remarca cu tampoco tin raport di e victima, e ciudadano masculino di inicial R.

   (NOTA DI REDACCION: Tempo cu DIARIO a raporta e susedido aki, por a nota cu e victima tambe ta un alumno di scol.  E tabatin hincanan na su pia, y tambe corta na su braza drechi).

E momento ey Fiscal a duna Hues e raport di docter. Hues a lesa e raport y a bisa cu for di e raport por compronde cu e victima a sufri dos hinca na pia.

Fiscal ta haya cu door cu tabatin luchamento y T. a hinca. Segun Fiscal, un hinca na pia por ta peligroso. Hues ta haya cu e hinca no tin asina grave pa papia di intento di mata.

Hues a dicidi di laga e mucha T. liber pendiente di e caso. Hues a pospone e caso pa dia 12 September 2019.

Den e caso aki por mira con Hues debidamente a cuestiona documentonan importante cu e no a haya pa tin un bista bon cla di e caso. Ora el a haya solamente e raport di dokter y mira cu no ta asina grave manera Fiscal ta bisa, el a dicidi di laga e sospechoso liber, pendiente di e caso.

 

- Advertisement -

1 COMMENT

DUNA COMENTARIO

Please enter your comment!
Please enter your name here