Home Comentario Nunca mester a entrega Aruba na e peliger di Nicolas Maduro

Nunca mester a entrega Aruba na e peliger di Nicolas Maduro

22
0
SHARE
- Advertisement -

Opinion

Ta cu gran sorpresa ayera Aruba mester a tuma nota di e anuncio di Tarek El Assaimi cu regimen Maduro ta habri e frontera entre Venezuela y Aruba.

Ta increibel cu un grupo di politico Venezolano, cu Aruba a rechasa como dirigentenan di e pais, ta publica cu nan a habri frontera entre Venezuela cu Aruba pero ta tene frontera cu otro islanan ABC cera debi na e hecho cu Curaçao tin lasonan cu Merca.

DIARIO durante e ultimo aña, a dedica tur atencion na e forma sumamente straño, hasta cuestionabel y ilegitimo segun documentonan di instancianan oficial di e pais, cu e acuerdo di Citgo a wordo introduci.

DIARIO a lansa preguntanan serio riba e forma cu despues di un encuentro na Cuba cu Nicolas Maduro, gobierno Mike Eman a yega na acuerdonan cu regimen Maduro cu ya a wordo clasifica como un regimen peligroso dor di hopi pais liber.

Ayera ora regimen Nicolas Maduro a haci un distincion entre Aruba y Curaçao/Bonaire debi na e hecho cu Curaçao lo tin aliansa cu Merca, loke ta nifica cu tin motibo pa regimen Maduro considera Aruba como su amigo di confiansa, nos a bati alarma grandi.

Gobierno anterior nunca mester a mara Aruba na e convenio cu Nicolas Maduro, na kende a entrega economia di Aruba.

Nos a mustra hopi bes cu no ta solamente refineria di e pais a entrega na Maduro, pero tambe henter e mercado di productonan petrolero cu mester sirbi economia di Aruba.

Pakico Parlamento di Aruba, hasta ora ya Gobierno Mike Eman a entrega Aruba na Nicolas Maduro sin autorisacion di Parlamento, AVP a stroba Parlamento di tuma nota debido di e documentonan?

Algo sumamente serio a pasa cu Aruba. Pero e parti mas importante ta, cu no a regla entrada di personal di refineria bon manera rapportnan oficial ta demostra.

Na un forma ilegal, contra interes di Aruba. e pais a wordo entrega na Nicolas Maduro y a bira centro di Chavismo den region.

Ayera algo serio a pasa. Pakico Nicolas Maduro y su grupo cu ta lomba contra muraya ta considera cu e por uza Aruba pa bay drecha su situacion economico? Pakico hendenan cu Aruba no ta reconoce como lider, por tin siguransa cu nan por habri fronteranan cu Aruba?

Nunca mester a entrega Aruba na Nicolas Maduro y DIARIO lo sigui insisti riba investigacion di tur loke a conduci na e expresion di e grupo di Nicolas Maduro ayera.

- Advertisement -

DUNA COMENTARIO

Please enter your comment!
Please enter your name here