Home Hudicial OM ta evalua resultado di denuncia di violacion den caso ‘Ibero-American High...

OM ta evalua resultado di denuncia di violacion den caso ‘Ibero-American High School’

725
0
SHARE
- Advertisement -

ORANJESTAD (AAN):  Diamars atardi, Ministerio Publico (OM) pa medio di su vocero, Ann Angela a duna un declaracion cortico relaciona cu e sucedido na Ibero-American High School.

Segun OM,  Jeugd en Zedenpolitie (JZP) a papia mientrastanto cu algun di esnan envolvi y e resultadonan di esaki ta actualmente wordo evalua pa Ministerio Publico.

Relaciona cu privacidad di esnan envolvi, Ministerio Publico lo no duna mas informacion cu esaki.

E declaracion aki ta relaciona cu e caso di violacion di un alumno di scol unda a wordo indica cu ta un IT Manager a comete abuso sexual contra e mucha muher di 15 aña.

Tata di e mucha muher a bisa den prensa dialuna cu kier pa autoridad actua y cu el a bay pa entrega denuncia. Mientrastanto, e mama di e mucha muher, parce a dicidi di papia por fin cu autoridad ariba e sucedido.

Awor parce e caso ta debidamente den man di autoridad. Lo keda pendiente pa mas informacion y kico lo resulta for di e evaluacion di Ministerio Publico.

- Advertisement -

DUNA COMENTARIO

Please enter your comment!
Please enter your name here