Home General Pa area di Caribe ta premira 13 tormenta y 5 horcan e...

Pa area di Caribe ta premira 13 tormenta y 5 horcan e aña aki di menos intensidad

92
0
SHARE
- Advertisement -

Dave Bakmeyer director interino Meteo:

ORANJESTAD (AAN) – Dave Bakmeyer, director interino di Servicio Meteorologico Aruba, a duna di conoce na DIARIO, cu e temporada di horcan cu ta na caminda, cu un intensidad un tiki mas abao cu regularmente.

Meteo ta premira 13 tormenta y 5 horcan di cual dos den categoria mayor (3 bay ariba).

Na Augustus ta suppose di ahusta e pronostico ora e prome parti di e temporada pasa, y esun peak  ta acercando cu ta 11 di September.

Aworaki tin e fenomeno El Niño cu ta andando, pero e ta debil. No obstante asina mes e ta ocasiona secure y gran parti di Caribe ta basta seco. Den e di dos parti di aña ta wak cu e chens cu esaki continua ta bay “slowly”, pero e efecto riba e temperatura lo ta hopi menos, pasobra e ora ey, ta practicamente siete pa ocho luna caba.

E biento fuerte cu a keda despues di Cuaresma cu tempo seco, posiblemente ta efecto di El Niño, segun sr. Bakmeyer.

Sr. Bakmeyer a indica cu na Aruba nos ta custumbra wanta biento duro y di Dialuna pa Diaranzon siman pasa esaki a surpasa e velocidad normal, Meteo a bin cu un alerta pa biento fuerte y nan a kite Diaranzon atardi. Pero te ainda tin biento fuerte pero no ta surpasa e drempel cu tin normalmente.

Pa lama tambe nan tabata tin alerta di un dia so pa motibo cu lama ta tarda un tiki pa bira bruto y tambe pa baha ta tarda un tiki mas. Mientras tanto e secure ta bay bira 50% mas halto pa Aruba y e clima ta depende di El Niño y di e temporada di horcan. Si e intensidad di El Niño ta baha e efecto lo ta minimo.

- Advertisement -

DUNA COMENTARIO

Please enter your comment!
Please enter your name here