Home Parlamento Parlamentario Alan Howell preocupa cu ilegalnan laga den libertad

Parlamentario Alan Howell preocupa cu ilegalnan laga den libertad

89
0
SHARE
- Advertisement -

Asunto mester di atencion urgente di Parlamento y Gobierno

ORANJESTAD (AA): Parlamentario Alan Howell a expresa cu e ta sumamente preocupa pa cu e situacion actual di nos pais.

Esaki despues cu huez comisario a dicidi di laga 14 persona liber despues cu algun dia atras a purba a drenta Aruba na un manera ilegal.

E decision aki a cay basa riba e echo, segun huez comisario cu nan tin derecho pa haci peticion pa asilo.

Como Presidente Interino di Parlamento di Aruba, Alan Howell a expresa su preocupacion y disgusto na Minister di Husticia.

E ta compronde y convivi cu e pueblo Venezolano mirando den e situacion den cual nan ta na e momentonan aki, pero na mes momento ta indica cu nos ta un pais chikito y lamentablemente no tin espacio ni recursonan pa por habri porta pa un cantidad di persona cu ta drenta nos isla na un manera ilegal.

Den cuadro di e situacion cu nos pais ta aden, Howell a tuma nota cu Minister di Husticia a yama diasabra un reunion di urgencia cu su departamentonan concerni pa busca un solucion rapido.

Tambe Alan Howell a duna di conoce cu Minister di Husticia lo bay Parlamento diamars awo pa duna cuenta na e representantenan di pueblo.

“Mi ta di opinion cu Parlamento y Gobierno mester bin cu un solucion y lihe, pasobra esaki si NO por. Esaki ta bira un situacion hopi fastioso y peligroso pa nos pais”, e parlamentario di POR a duna di conoce.

- Advertisement -

DUNA COMENTARIO

Please enter your comment!
Please enter your name here