ORANJESTAD (AAN): Desde 1 di mei, Paseo Herencia a lanza su campaña pa dia di mama unda cu tur Paseo Loyalty members por participa cu un compra di minimo 25 Florin y lo tin e oportunidad pa gana diferente premionan. Ganador lo worde anuncia dialuna dia 13 di mei.
Si e persona no ta un Loyalty Member ainda nan por pasa inscribi facilmente na Paseo su parking cashier y asina ricibi un glass di biña gratis na TGI Friday’s. E programa ta uno digital cu ta funciona via un app riba bo telefon unda cu cada compra den nan localidadnan por acumula punto y intercambia esakinan pa Gift certificates di Paseo Herencia.
Pa esnan cu no sa kico pa cumpra pa dia di mama, Paseo Herencia ta presenta nan Virtual Shopping Guide unda cu tur dia nan ta demonstra den un video diferente regalonan bunita cu lo por cumpra pa dia di mama. Tur esaki por worde mira riba e Facebook y Instagram page di Paseo Herencia.
Si no por scohe un regalo, Paseo Herencia tambe ta ofrece Gift Certificates cu ta obtenibel na parking cashier di Paseo Herencia te oranan laat di anochi.
Tiendanan di Paseo ta habri di dialuna pa diasabra for di 10’or di mainta te cu 10or di anochi y diadomingo for di 5’or di atardi te cu 10’or di anochi. Parking parti mainta ta gratis te cu 12’or di merdia.
