Home Gobierno Premier Wever-Croes mustrando riba cambionan den tarifa di grondbelasting

Premier Wever-Croes mustrando riba cambionan den tarifa di grondbelasting

198
1
SHARE
- Advertisement -

ORANJESTAD (AAN): Den e dianan aki, despues cu e cobransanan di Grondbelasting pa aña 2019 a sali recientemente tur hende por a cuminsa sinti e cambio husto di Reforma Fiscal. Gobierno di Aruba a anuncia e prome fase di Reforma Fiscal na december 2018 y esaki segun Premier Evelyn Wever-Croes ta hayando mas y mas contenido.

Cu Reforma Fiscal, a bin e siguiente cambionan den Grondbelasting:

BALOR DI PROPIEDAD ENTRE 0-120.000 FLORIN:

Esnan cu tin un propiedad cu un balor entre 0-120.000 Florin, no ta paga grondbelasting mas. E tarifa ta 0%. Esaki ta conta pa 10.700 contribuyente: 0% di residentenan priva na Aruba no lo paga Grondbelasting.

BALOR DI PROPIEDAD ENTRE 120.000 – 250.000 FLORIN:

Esnan cu tin un propiedad cu un balor entre 120.000 – 250.000 Florin, e tarifa ta baha cu mita, y e tarifa ta bira 0,2%. Esaki ta conta pa 17.779 contribuyente: 60% di residentenan priva na Aruba a conoce rebaho di Grondbelasting.

BALOR DI PROPIEDAD ENTRE 250.000 – 500.000 FLORIN:

Esnan cu tin un propiedad cu un balor entre 250.000 – 500.000 Florin, e tarifa ta 0,3%.

Esaki ta conta pa 8.996 contribuyente: 30% di residentenan priva na Aruba NO a conoce cambio di Grondbelasting.

BALOR DI PROPIEDAD ENTRE 500.000 – 750.000 FLORIN:

Esnan cu tin un propiedad cu un balor entre 500.000 – 750.000 Florin, e tarifa ta 0,4%.

Esaki ta conta pa 3.098 contribuyente: 10% di persona a conoce aumento di Grondbelasting. E cantidad ta worde parti den 2:

1859: 6%: A conoce aumento entre 0 – 500 Florin

1239: 4%: A conoce aumento di mas cu 500 Florin

Gabinete Wever-Croes su meta semper ta pa trece e balansa husto por tur ciudadano. Reforma Fiscal ta haci esaki posibel. Cu e cambio den Inkomstenbelasting y awo den Grondbelasting, y e compensacionnan inclui, ta e prome pasonan pa logra e Reforma Fiscal den su totalidad. Gabinete Wever-Croes ta trahando y poniendo e ser humano  central.

- Advertisement -

1 COMMENT

  1. Bon dia. A ricibi e aanslag di grondbelasting 2019 y lo mi tin cu bai paga 89 florin menos,pero pakiko no a mantene e 60 mil florin cu por trek af di e heffingsgrondslag? Ya e ora ey e peso lo ta mucho mas abao y pio pa mi cu ta un penshonado. Of sikiera hasi e 60 mil ey mas abao. Mi ta kere cu esaki ta un santo tira den wowo cu e rebaho di 0.3 % cu tawata 0.4%. Dus si kier juda pueblo,impone e 60 mil ey bek.
    Anto otro problema ta lo siguiente:E heffingsgrondslag di 2019 ta Fl.329.351 siendo e tawata fl. 269.350,00. Di con???
    Spera cu por fix e cos aki.Danki.

DUNA COMENTARIO

Please enter your comment!
Please enter your name here