Home Turismo Reconocemento pa Miriam Dabian net na apertura di CATA 2019

Reconocemento pa Miriam Dabian net na apertura di CATA 2019

21
0
SHARE
- Advertisement -

ORANJESTAD (AAN): Diaranson anochi e di 29 edicion di e Conferencia Annual di Turismo (CATA) a tuma luga den e prestigioso Hyatt Regency Aruba Resort, Spa & Casino.

Esaki a sosode den presencia di entre otro Minister di Turismo Dangui Oduber, cu un opening speech di CEO di A.T.A. Ronella Tjin Asjoe-Croes. Ademas tabata presente Presidente di Parlamento mr Juan Thijsen, Parlamentarionan Louisette Christiaans-Yarzagaray, Rocco Tjon, Edgar Vrolijk, Endy Croes y Shailiny Tromp-Lee. CEO di Aruba Airport Authority James Fazio como tambe General Manager di Hyatt Regency Aruba Resort, Spa & Casino Gabriel Castrillon a expresa palabranan di bonbini na e participantenan. Despues a sigui cu diferente presentacion.

E tema central di CATA e aña aki ta e ‘Poder di Data y su influencia.’ Pa ora ta trata di tuma decision strategico y tacticanan preciso, Aruba Tourism Authority ta depende grandemente riba inteligencia di datos.

“E inteligencia cu nos ta obtene, principalmente di nos base di dato di 16 miyon registro di bishitante, ta permiti nos adapta miho ainda nos contenido, refina e recomendacionnan y mensahenan na nos bishitantenan, previamente y despues di nan biahe,” segun Señora Tjin Asjoe-Croes a comenta durante su discurso.

    Resultadonan fuerte:

Den su discurso durante apertura oficial di CATA 2019, CEO di A.T.A. a elabora cu e resultadonan observa durante e ultimo añanan ta drastico.
E crecemento promedio anual di yegada di bishitante pa Aruba tabata 4% durante e periodo di 2011-2018.

Consecuentemente, e contribucion na economia di Aruba pa medio di ingresonan di turismo – cual ta un indicador importante – tabata tin un promedio di crecemento anual di 5% durante e mesun periodo aki. Y pa locual ta ingreso pa medio di camber disponibel (RevPar), e crecemento anual promedio ta di 7%.

   Honor na Miriam Dabian su 35 aña di servicio:

Pa Aruba Tourism Authority ta esencial pa semper reconoce e perseverancia y dedicacion di e miembronan di su ekipo. Cada pasa dos aña A.T.A. ta reconoce su miembronan pa medio di e evento ‘YOU! Event’cu un medaya special pa tanto aña di servicio.

Den cuadro di esaki, durante e apertura oficial di CATA 2019, CEO di Aruba Tourism Authority Ronella Tjin Asjoe-Croes a sorpresa Miriam Dabian (Directora di A.T.A. pa e mercado Latino Americano) cu palabranan di elogio y aprecio y a entrege un medaya pa cu su aniversario.

Dabian, cu experiencia amplio riba tereno di turismo y mercadeo, tin 36 aña ta trahando pa A.T.A. y su liderazgo den e mercado Latino America ta fundamental pa e crecemento fuerte di dicho continente. Den su C.V. por mira con el a dirigi directamente e mercado di Colombia, Venezuela y actualmente ta desempeña como directora pa Latino America, un cargo cu e ta ocupa desde 2007. Durante luna di mei 2019, bao di su direccion e impulso di un strategia di marketing hopi diferente, oficina di A.T.A. Latino America a ricibi varios reconocimento importante den e premionan IAB MIXX 2019. Señora Dabian a ricibi un reconocemento di honor (medaya cu logo di Aruba) diaranson anochi pa su 35 aña di compromiso, amor y dedicacion pa Aruba.

   Comprometi cu mercado Latino Americano:

Aruba Tourism Authority ta totalmente comprometi cu e mercado Latino Americano y hopi sigur cu e strategianan y enfoke conhuntamente cu e sosten di e socionan lo hiba na un aña 2019 y 2020 hopi exitoso. E conferencia aki ta ofrece un oportunidad balioso pa e socionan Latino Americano por relaciona y comunica cu e socionan clave di e industria riba nos isla, pero tambe pa disfruta di e desaroyonan cu a tuma luga durante e ultimo añanan na Aruba.

Ekipo di A.T.A. como tambe Ministerio di Turismo ta gradici AHATA, Aruba Airport Authority N.V., Avianca, Copa Airlines, A.T.A. LatAm y tur participante internacional y local pa nan esfuerso y sosten pa e exitoso apertura di e di 29 edicion di CATA 2019.

- Advertisement -

DUNA COMENTARIO

Please enter your comment!
Please enter your name here