Home General Regimen Maduro ta concentra na Caracas

Regimen Maduro ta concentra na Caracas

340
0
SHARE
- Advertisement -

Merca a aproba Proyecto di Ley Verdad pa Venezuela

*Repsol a haya tempo di gracia pa bandona Venezuela

ORANJESTAD (AAN) — Mientras e supuesto negociacion pa eleccion nobo na Venezuela ta continua na Noruega, e situacion di confrontacion ta continua na Venezuela.

Ayera Senado di Merca a duna su aprobacion pa e Ley Verdad cu lo mester ta e esfuerso mas completo pa enfrenta e crisis di Venezuela, cu por spera mas ayudo humanitario mientras funcionarionan di Maduro por spera mas sancion.

E leynan cu e Comision di Relacionnan Exterior di Senado di Merca a aproba tabata encera proteccion temporal pa Venezuela, caminda Merca lo sigui apoya e lucha pa reestablece democracia.

Mientrastanto ayera e Ministro di Asuntonan di Exterior di Colombia a denuncia cu Nacionnan Uni no a tene e cantidad di migrantenan Venezolano den e region na cuenta. E forma cu Nacionnan Uni ta atende e crisis lo no ta di e nivel cu cual a atende problema di refugiadonan na otro pais.

Manera DIARIO a anuncia ayera, Repsol tambe lo bay bandona Venezuela. E compania lo tabata negocia su salida di Venezuela cu Merca cu lo a duna Repsol un periodo di gracia pa termina su estadia na e pais.

Acusacionnan di casonan criminal contra e regimen Maduro a sigui drenta y tin acusacion tambe cu ta referi na e relacion Cuba, Venezuela y Nicaragua manera medionan di comunicacion internacional a establece ayera.

- Advertisement -

DUNA COMENTARIO

Please enter your comment!
Please enter your name here