Home Labor Restaurantnan parce ta kitando tur trahador local djis pa pone stranhero na...

Restaurantnan parce ta kitando tur trahador local djis pa pone stranhero na nan lugar

3444
1
SHARE
— Rosalinda Boekhoudt di Partido CURPA ta adverti pa ban evita un caso IBIS Part 2.
- Advertisement -

ORANJESTAD (AAN): Departamento di DPL cu tey desde 2011 tin como meta pa “informa, stimula participacion laboral y yuda nos buscador y dunadornan di trabao local pa yega mas cerca di otro riba e mercado laboral”.  Pero ken tur e gobiernonan a yuda di berdad pa medio di DPL? E trahador di afor?

“Pasobra te dia di awe nos di CURPA no a tende di 1 caso ni a mira prueba di ningun gobierno di 1 caso den cual 1 trahador local a haya trabao via DPL,” Rosalinda Boekhoudt a indica.  El a participa den ultimo eleccion riba lista di Partido CURPA.

   DPL TA UN MISTERIO:

Segun Boekhoudt, un solicitante local a conta cu DPL no ta ni usa e formulario mas cu e doñonan di trabao mester stempel ora cu un trahador local a solicita cerca dje. Pues e doñonan di trabao por gaña facilmente cu ningun trahador local a solicita cerca nan. Y DPL ta informa e doñonan di trabao di e resultado di su peticion pa un trahador di afor pero te dia di awe nunca nos a mira un carta di DPL na unda e ta informa e trahador local cu a busca trabao via DPL kico a pasa despues cu el a solicita. Esey sí ta keda scondi.

Pakico ta paga belasting pa DPL y DIMAS anto si keto bay tin ilegalnan trahando na gran escala, y permisonan ta worde parti keto bay sin ningun evidencia di e controlnan necesario. Ainda nos ta tende di tramitador aki, tramitador ey cu “lo a regla permiso mas liher cu DIMAS”.

Un maneho di Stranheria parobez bao di tur gobierno cu a haci cu awor na hotelnan y restaurantnan tin trahador di afor ta ganando tips y mandando gran parti di e placa afor, mientras tanto e trahadornan local cu experiencia mes ta sinta na cas. Y cu a haci cu awor e hotelnan ta parce di ta haciendo tur esfuerzo pa kita trahador local di hopi aña pa reemplaza nan cu cheap labor di afor.

Y cu keto bay tin comerciantenan cu ta sigui pak Aruba cu mas trahador di afor sin importa tur e consecuencianan negativo pa socio economico, ambiental y financiero pa Nos Pais.

BAN EVITA CASO IBIS PARTI 2:

Hopi a worde papia pero te dia awe ningun gobierno por a proba ningun resultado. Pesey nos ta kere cu ta bira tempo pa e gobierno aki tambe stop di papia y cuminsa haci. Lage instrui DPL pa e bin back cu e formulario back cu e doño di trabao ta stempel ora e hende local bin solicita y bin cu transparencia.

Pa evita Caso Ibis Parti 2. E bay mustra  pueblo cuanto hende local a solicita via DPL pa cada vacatura (trabao), Y lage instrui DIMAS publica pa cada vacatura (trabao) cua conseho el a recibi di DPL.

Pueblo tin derecho pa sa cuanto permiso a worde duna door di DIMAS pa cada tipo di trabao. Lage prueba cuanto boet el a duna na esnan cu ta emplea ilegal y cuanto placa el a recibi. Cuanto ilegal a worde deporta. Y cuminsa  recompensa e pueblo pa reporta ilegalidad.

Si gobierno no bin cu prueba, anto e ora ey e no a traha na interes di e trahadornan local y punto. Y si no tin transparencia, anto e riesgo a keda halto pa corupcion.

Nos ta liber pa scoge pero nos no ta liber di e consecuencianan. Pregunta ta kico boso como pueblo mes kier. E choice ta masha simpel. Si boso no tin problema cu un Aruba mas yen cada dia, mas desempleo local y ningun oportunidad pa boso yiunan (studia) vota pa tur otro partido. Pero si boso kier accion y resultado ta 1 opcion so tin y esey ta nos di partido CURPA.

- Advertisement -

1 COMMENT

  1. A precies pueblo di Aruba
    En bedrag ta tristo pa mira e cosnan aki pasa
    Aki No Ta papia Di mal maneho pero di corrupshon

    Minister president mester di tuma e caso aki na serio

    Pa cosnan aki al estilo di Paul Croes no sign.

    Ik tur dunador di trabou cursus a traha di es manera Aki a come te Un falla di ley legislatorio
    I na mester risibi procesverbal Den e caso aki anto boet nan

    I pone nan tuma e trahador despacha bek i restaura su salario cu terug werkende kracht i tambe page
    Daño i perhuicio Door cu nan a kite di trabou cu voorbedachte rade.
    Pa bai falla ley legislatorio di Trahador nan Arubiano.

    Saludos di mi parti

    Sinceramente tico Tromp

DUNA COMENTARIO

Please enter your comment!
Please enter your name here