Home Gobierno Rocco Tjon: Ley di LAft ta empugna cu Aruba su estado di...

Rocco Tjon: Ley di LAft ta empugna cu Aruba su estado di derecho

31
0
SHARE
— Parlamentario Tjon a mustra cu hasta Raad van Advies a bati alarma.
- Advertisement -

ORANJESTAD (AAN):  Parlamento di Aruba a ricibi e ley di supervision financiero temporal, e asina yama LAft. E ley aki cual a worde traha de facto door di Hulanda y sr. Knops, no lo conta cu aprobacion di Fraccion di MEP. Pa e simpel motibo cu e ta empugna cu nos estado di derecho.

   PROCESO DI LAft:

Den e nader rapport riba e conseho di “Raad van advies” nos por tuma nota cu ta indica claramente cu e concepto inicial a worde wanta atras, despues di “consulta” cu sr. Knops.

Pa mi persona sigur e ta inacceptabel y condenabel cu sr. Knops y Hulanda kier bin actua contra nos estado di derecho y pretende di por mete tambe den e organo Parlamento door di nan exigencianan. Ta asina cu Parlamento di Aruba tin te dia 17 pa haci pregunta riba e ley aki y e ley lo ser trata dia 27 di mei.

   CONSEHO DI RAAD VAN ADVIES:

Corectamente “Raad van Advies” ta bolbe señala cu e ley aki cu Hulanda y sr. Knops kier impone riba Aruba ta empugna cu nos constitucion y cu Statuut di Reino.

E ley di sr. Knops ta mina e derecho di Parlamento, esta e “budget recht” y esaki ta algo cu nos como pais democratico hamas por acepta. Te unda mi persona sa, sr. Knops y partido CDA no a participa na ningun eleccion aki na Aruba.

Dia 27 di mei e ley aki lo worde trata y fraccion di MEP lo percura pa e respet pa nos democracia worde restaura y tambe recupera nos autonomia financiero. Den e proceso rumbo pa trata e ley lo mi percura pa informa pueblo debidamente riba e contenido di e ley di sr. Knops y splica locual de facto sr. Knops kier impone riba Aruba.

Di e banda aki un invitacion ta bay pa pueblo di Aruba pa dia 27 di mei presencia e reunion publico y ta testigo di con Aruba ta recupera su autonomia financiero bou Gabinete Wever-Croes. Autonomia cu Mike Eman a entrega na 2015.

- Advertisement -

DUNA COMENTARIO

Please enter your comment!
Please enter your name here