Home General Ruta di Arubus ariba Sasaki lo tin algun cambio temporal

Ruta di Arubus ariba Sasaki lo tin algun cambio temporal

66
0
SHARE
- Advertisement -

Pa motibo di construccion di rotonde dilanti Guardian Group

ORANJESTAD (AAN):  E famoso cruzada banda di Guardian Group a keda cera diamars mainta.

Sanin Dou di Arubus a duna di conoce cu pa 10’or di mainta e cruzada aki lo ta bay ta mitad cera, esta e parti mitad cu ta banda di Guardian Group unda lo cuminza traha un rotonde eynan.

Tambe lo caba cu e caminda di Watty Vos Boulevard cu ta bayendo eyriba, a bisa.

Pa e motibo aki, e caminda cu ta keda habri, cu ta e banda di pabao, ta esun cu lo habri pa trafico di tur banda.

Mirando esey, cu e cruzada di Alhambra ta cera, e ruta cu Arubus mester core lo sigui ariba Sasaki y lo drenta na e rotonde na altura di Hospital. E unico diferencia ta bay ta cu tur dos banda ta bay keda ariba e banda ey, y a regla cu DOW, conhuntamente cu MOTA, ta cu nan lo pone un bushalte (parada di bus) temporal pa Arubus.

Esun cu ta bay direccion Noord, lo pone un bushalte temporal despues di e cruzada y e lo wordo marca cu e barera oranje y tambe un borchi temporal. Esun cu ta bayendo direccion zuid, lo pone despues di e cruzada tambe lo wordo marca cu baricadanan oranje y un borchi temporal.

Segun Daou, despues di varios peticion di hendenan cu ta uza bus pa bay trabao den e area di Tamarijn y Divi Hotels y turistanan, cu no tabata tin un lugar pa nan baha, e ora a reuni ariba esaki y a bay di acuerdo pa traha un halte temporal tur dos banda di caminda.

El a agrega cu den e area hotelero tin hopi trahador cu ta usuario di bus y cu ta viaha tur dia for di San Nicolas. Nan ta traha shift y tres biaha durante dia tin pieknan y tambe hopi hende circulando, cu ta bay traha y cu ta stop di traha.

Pa e motibo aki a urgi DOW y MOTA pa yuda cun’e . Ta pidi tur hende un tiki pasenshi y comprension pa e situacion pero a logra haya un parada mas cerca pa tur hende por yega nan trabao, Sanin Daou di Arubus a duna di conoce.

- Advertisement -

DUNA COMENTARIO

Please enter your comment!
Please enter your name here