Home Politica Samira Rafaela ta gradicido pa cu su recibimento na Aruba, Boneiro y...

Samira Rafaela ta gradicido pa cu su recibimento na Aruba, Boneiro y Corsow

37
0
SHARE
- Advertisement -

ORANJESTAD (AAN) — Samira Rafaela, candidata #3 di D66 (Lista #1) pa Parlamento Europeo, a bishita e islanan Aruba, Corsow y Boneiro durante di su campaña. Cu su bishita el a enfoca e importancia pa por vocifera e interes di e islanan Caribense cu ta parti di Reino den Parlamento Europeo. Como cu e islanan tin derecho ariba fondonan cu por duna sosten na maneho di medio ambiente, proteccion di naturaleza, bienestar di asuntonan social, educacion y mantencion di cultura. Ademas como cu un ciudadano cu pasport Hulandes tambe ta ciudadano di Union Europeo y esaki tambe ta trece derechonan cu ne.

Rafaela: “Durante mi bishita mi por a combersa cu diferente persona, mandatario, medionan, organizacion y instancianan cu ta indica cu nan tin necesidad pa sa mas di Union Europeo. Importante pa inverti den e añanan venidero den e concientizacion di hende tocante Union Europeo.” Tambe si Samira wordo elegi como miembro di Parlamento Europeo e ta enfatisa: “Mi lo percura pa regresa na e islanan pa mi por keda visible y fungi como un embahador di e islanan na Parlamento Europeo”.

“Alabes mi kier a gradici publicamente tur hende pa nan sosten y apoyo. Mi ta orguyoso di por forma parti di un generacion nobo di politiconan cu lo traha pa generacion prome cu nos y tambe e generacion nobo.”

- Advertisement -

DUNA COMENTARIO

Please enter your comment!
Please enter your name here