Home Deporte Scolnan por gana te cu 2 mil Florin danki na Olimpiada Escolar

Scolnan por gana te cu 2 mil Florin danki na Olimpiada Escolar

33
0
SHARE
- Advertisement -

ORANJESTAD (AAN): Riba Diabierna 24 di Mei 2019, lo cuminza e final di Olimpiada Escolar na Aruba.  Segun Edgar ‘Gachi’ Erasmus di IBiSA, pa e competencianan, nan lo haci uso di 10 facilidad deportivo cu tin rond di Aruba.

E comienzo mes lo ta den Stadion Guillermo P. Trinidad pa 5’or di atardi.  Pero pa tur e eventonan, lo tin diferente facilidad ta wordo usa.

Olimpiada Escolar e biaha aki lo haci uso di e.o. Centro Deportivo Playa (CDP), Completo Deportivo Franklin Bareño (CDFB), Centro Deportivo Libertador Betico Croes (CDLBC), Sala di Reunion di IBiSA (IBiSA), Flatstone Ballpark (FB), Piscina Olimpico Roly Bisslik (PORB), Stadion Guillermo P. Trinidad (CDGPT), Aruba Bank na Camacuri pa e wega di 1-2-3 KM (ABC), Compleho Deportivo Frans Figaroa (CDFF), y YMCA San Nicolas (YMCA).

E biaha aki, Olimpiada Escolar ta conta cu participacion di tanto Scolnan Preparatorio, Scolnan Basico, y Scolnan Avanza.

Erasmus a mustra cu nan ta percura pa ganadornan di competencianan individual haya medaya.  Y esnan cu ta participa como equipo, lo haya trofeo y tambe lo tin premio di Gift Certificate, cu cual nan por busca material deportivo pa scol.

Di cada disciplina lo saca ganador, sigui pa di 2 lugar y di 3er lugar.  Lo duna trofeo pa cada ganador di Team Sport, y un Gift Certificate di 500 Florin pa busca material deportivo.  Tambe lo saca MVP di cada Team Sport.

Tambe lo saca e tres mihor scolnan.  E prome lugar lo haya un Gift Certificate di 2.000 Florin pa cumpra na material.  Di dos y di tres lugar di mihor scolnan lo haya 500 Florin cada uno.

Tur esaki, segun Erasmus, ta pa stimula e alumnonan pa participa, y pa scolnan mes sigui pone enfasis pa pone deporte den spotlight.

- Advertisement -

DUNA COMENTARIO

Please enter your comment!
Please enter your name here