Home General Scolnan y comunidad en general lo wordo incentiva pa prepara pa temporada...

Scolnan y comunidad en general lo wordo incentiva pa prepara pa temporada di horcan

45
0
SHARE
- Advertisement -

Rene Riddestap:

ORANJESTAD (AAN) – Den entrevista cu DIARIO, sr. Rene Ridderstap, funcionario di Oficina di Calamidad (Rampenbureau), a menciona cu aunke e periodo di horcan ta cuminza na Juni, mayoria di actividad ta sosode na Augustus-September.

Pesey e departamento ta bay keda duna informacion na scolnan. Nan ta bay reuni cu un di e organizacionnan cu tin na mayoria scol pa nan traha riba nan plannan.

Oficina di Calamidad tambe ta bay stimula cada persona pa traha nan plan y ta prepara cu un pakete pa sostene su mes y su famia, pa tres dia. Esaki ta un aspecto cu hopi hende ta lubida riba dje.

Otro aspecto cu nan ta bay traha ta comunicacion y nan tin e curso di radioamateur. Ridderstap a pone como ehemplo e ultimo biaha aki cu coriente a bay rond di Aruba, unda cu e comunicacion a cay por completo tambe y sa di radioamateur ta importante pasobra den un situacion di calamidad e ta funciona pa por comunica.

Di 20 pa 27 di Juni lo tuma lugar e entrenamento (simulacro) den cual diferente instancia ta participa riba diferente escenario. Aña pasa a parti e region den central, west  y oost pero e biaha aki lo ta 72 ora completo riba diferente incidente pero tambe lo hacie cu e sistema digital unda por wak kico ta pasando cual caminda, cual di e lugarnan ta wordo activa, cual casnan a cay afo, na unda mester ayudo, etc. Y un punto cu tambe ta importante, ta documentacion.

Den e aspecto aki tur hende mester tin e formularionan cu ta wordo uza y yena nan pa na momento cu un incidente sosode. Na Merca a mustra durante e conferencia cu tabata tin momento cu si no yena tur e informacion ora di pidi e fondonan bek e ta bira dificil.

E parti di documentacion ta importante pa sa kico e costonan ta y kico ta e materialnan cu tin mester pa ora di pidi ayudo.

Tambe ta importante pa e instancianan traha hunto y no tene miedo cu lo perde autoridad. E trabao conhunto ta bira mas facil, pero tambe nan sa cual ta e procesonan cu mester ehecuta.

Rene Ridderstap a indica cu lo traha hunto cu e companianan di telecomunicacion pa duna informacion na tempo, vooral riba e sistema di mensahe cu ta esun mas uza pa tur hende. Na Hulanda e prome dia di luna nan ta haci cierto training y cualkier telefon ta haya mensahe. Lo sigui informa tocante esaki.

- Advertisement -

DUNA COMENTARIO

Please enter your comment!
Please enter your name here