Home Deporte SECA tey pa yuda e futbol di Aruba

SECA tey pa yuda e futbol di Aruba

35
0
SHARE
- Advertisement -

Richard Charles:

ORANJESTAD(AAN): Soccer Education Center Aruba (SECA) ta un organizacion cu tin e meta pa por train mas mucha posibel pa nan bira mihor den futbol.

No solamente ta train e muchanan den tecnica, sino tambe disciplina.

E aña aki SECA ta bay traha hunto cu PSV, pues a organiza un Soccer Camp cu ta bay tuma lugar na Juli.

Durante un conferencia di prensa Diamars, Richard Charles, tesorero di SECA a splica cu na Maart 2017 SECA a cuminza, cu e idea pa yuda e muchanan pa loke ta nan tecnica y yuda e clubnan di futbol na Aruba.

Segun Charles, tin varios mucha na Aruba cu tin talento, pero cu ainda falta e parti di tecnica y disciplina.

“SECA no ta solamente pa siña e muchanan e parti di tecnica, pero nos ta stress tambe riba e parti di educacion”.

“E staff di nos organizacion ta consisti di 10 persona, cu ta inclui coachnan cu sa con pa atende cu mucha y esey ta hopi importante pa nos”.

“Tur luna nos ta tene charlanan”, segun e tesorero, kende a sigui bisa cu actualmente SECA tin 3 coach cu a bay studia na Hulanda cu ta bay core stage PSV riba 5 Diaranzon.

El a indica cu nan tambe ta bay bin Aruba hunto cu e coachnan di PSV.

“E idea di PSV den e acuerdo di cooperacion aki ta cu nan ta bay duna nos coachnan un opleiding y ora cu nan yega Aruba nan ta bay coach e coachnan”.

“Nos tey realmente pa yuda e futbol di Aruba”.

“Tin otro schoolnan tambe di futbol, pero si nos tur yuda e futbol di Aruba ta bay dilanti”, segun Charles.

- Advertisement -

DUNA COMENTARIO

Please enter your comment!
Please enter your name here