Home Economia Serie di biyete nobo 2019 a keda devela pa Banco Central

Serie di biyete nobo 2019 a keda devela pa Banco Central

435
0
SHARE
- Advertisement -

Nigel Matthew: ganador di e diseño

ORANJESTAD (AAN) – Presidente di Banco Central, Jane Semeleer, a convoca un ceremonia special, pa e develo di e serie nobo di biyete di florin Arubano (2019), emiti pa Banco Central di Aruba na unda artistanan local a competi.

Semeleer a expresa cu e tabata sinti su mes hopi excita, orguyoso y alivia di a yega na e punto culminante despues di un trayectoria largo di siete aña, unda a pasa den diferente fase cu a pasa door di nan cu ayuda di diferente experto. BC tin confianza cu nos comunidad lo enamora y bira orguyoso di e serie 2019, manera nan ta awor di e serie 2003.

Sra. Semeleer a duna un resumen cronologico cu a start na 2012 den cual a pasa den s siguiente seis fase:   1. Evaluacion; 2. Preparacion; 3.Diseño; 4. Produccion; 5. Aspecto legal; 6. Emision.

Sra. Semeleer a expresa cu e fase di evaluacion no tabata facil pasobra Banco Central sa cu e comunidad gusta e serie 2003. Nan a encante y tabata tin diferente nombre pa e biyetenan, pues tabata un reto pa cambie.

E diseña actual ta data di aña 1990 y e ultimo produccion cu a wordo haci tabata na 2003. Mientras tanto pa cu seguridad a bira mas estricto y e diseño actual tin hopi parti blanco den dje. Pa mantene e calidad di e biyetenan, cu ta e “business card” di Banco Central, mester a saca nan basta lihe for di circulacion, locual a costa nan placa.

Esnan cu a saca mas lihe ta e biyetenan di cien cu diez florin cu ta esnan di mas uza den nos comunidad.

Pa loke ta trata e fase 2 cu ta e preparacion, nan a traha masha duro mes, a bay cu e decision cu ta bay cambia e serie, y a establece un comision interno yama “Comision Bon Bini” encarga cu implementacion di e proyecto aki.

Despues a sigui cu e fase 3, unda cu mester a traha e tema cual ta bay cubri, cu ta “Bida na Aruba presente y futuro”. Varios condicion mester cumpli cu e biyete nobo: Sigura contra falsificacion. Un diseño visualmente atractivo y hopi colorido y facil pa reconoce tambe esun cu tin impedimento visual. Traha di un material duradero usando e tecnologia di mas avanza, y e medidanan di visibilidad y tecnica di prevencion. E ultimo punto, hopi importante, ta un costo hopi razonable.

Sra. Semeleer a splica cu naturalmente riba e tema “Bida na Aruba, presente y futuro” por a uza tur elemento cu nan kier, cu ta un mix den dje: awa, industria, cultura, flora y fauna. Pues, hopi elemento pa combina den un espacio chikito di un biyete.

E fase 3 a cuminza cu organiza un competencia pa diseño y a dicidi cu na lugar di bay di biaha na un diseñador profesional a pensa cu e trabao di nos artistanan local lo por a yuda cu inspiracion pa trece un biyete mas atractivo y cu e hendenan por identifica nan mes mihor na Aruba.

Tambe a scoge diferente tipo di hurado cu conhuntamente mester a duna nan opinion, y yega na e punto di scoge cual di e diseñonan nan gusta mas. Tabata tin hurado publico, tecnico y artistico. A scoge pa tres ronde di competencia di diseño. E prome tabata pa solamente e biyetenan di 10 y 100 florin, den cual a participa seis artista. Despues a bay pa di dos ronde, pa diseña tur e cinco dimensionnan, y a scoge cuater artista. Despues a bay na un di tres ronde pasobra no por a sali cu un. Aki a bay mas den detaye pa tur cinco dimension den cual a participa dos artista.

Sra. Semeleer a gradici tur e huradonan cu a yuda Banco Central y cu a  base di nan consehonan a yega na un escogencia. El a yama dilanti tur e miembronan di e diferente tres huradonan, como tambe e artistanan, y a gradici nan pa a participa, di cual a resulta ganador Nigel Matthew.

- Advertisement -

DUNA COMENTARIO

Please enter your comment!
Please enter your name here