Home arte y espectaculo Show di Ami Mendez “Ami…pa Bo” lo presenta na Cas di...

Show di Ami Mendez “Ami…pa Bo” lo presenta na Cas di Cultura

22
0
SHARE
- Advertisement -

ORANJESTAD (AAN):  “Ami …pa Bo”  –  ta un soño cu Ami Mendez tabata tin pa varios aña. Desde cu el a yega Aruba na 1981 Ami Mendez tabata hopi activo den musica den varios di nos Hotelnan y tambe a toca cu su banda “Survival” na Corsow y Venezuela.

Pero na 2002 a haye cu e mester a laga e bida di musico pa e tarea di un mama pa nan yiu homber. El a tuma e responsabilidad cu hopi amor y na Maart 2005 a dicidi cu su familia pa bay biba na California,  Merca. Eynan tabata bay bon pero na Februari  2007 a ser pidi pa Gobierno Filipino pa tuma e posicion di Consul Honorario na Aruba.

Mirando cu su casa Chido Henriquez tabata haya hopi falta di Aruba a dicidi di regresa Aruba y pa habri e Consulado Filipino aki na Aruba cu te dia di awe e ta cumpli cune.  Pero aki na Aruba su amor pa e musica a bolbe y na varios ocasion e tabata canta cu algun proyecto nan chikito. No obstante tur e trabou nan cu e tin pa su comunidad Filipino semper Ami tabata haya hopi falta di musica.

Pa e motibo ey tambe e la lanta un Coro pa canta cantica nan Gospel pa misa. Esey ta ya pa varios aña su coro “The Philippine Consulate Choir” ta canta muy especial na Iglesia “Santa Anna na Noord” diadomingo nan especial pa 11’or, esta e misa na Ingles.

Ultimo tempo su amigo nan musico sa pidie pa evento nan Jazz y vooral ariba Freewinds pa e companja nan como parti di nan show. Gus Genser a pidie pa join cu un proyecto caridad pa un school  y a revive cu e Grupo Survival. Tambe Ashok Hirchandani cu su tribute na Carlos Santana pa cual Ami Mendez ta bolbe cu su instrument favorito BAJO.

Ariba peticion di hopi di su fanatico nan cu ta puntre ki dia e ta bin cu un show a dicidi cu awor e kier hacie. Y vooral cu e pensamiento cu su yiu lo bay studia afor esaki lo ta e mihor oportunidad pa haci su show cual e ta yama “Ami ……pa Bo”.

E titulo ta fit hopi bon tras di e idea cu Ami tin pasobra e kier duna un danki na Aruba pa tur e anja nan cu el a toca cu varios banda y musico. Pesey e ta parti su show den dos diferente parti.

E promer parti e lo toca e cancion nan hopi conoci cu el a yega di toca/canta cu grupo nan Survival, REACH y The Last Minute Band. Den e parti aki e la invita Richard Holmond, Jose  Arunategui, Chucho Hoek, Papito Rafael, Steven van Ramshorst, Walter de Cuba, Eddy Kroon, Rodney Semerel y Jonathan Martinez.

Pa su di dos parti Ami lo dedica mas na e musica Contemporary  Jazz, R&B,  Soul  y cu algun  cancion nan de su CD. Den e di dos parti Ami a invita como su musico nan Richard Holmond, Fio Wester, Papito Rafael, Reno Steba, Chucho Hoek,Terance Green,  Rodney Semerel, Lazaro Barrizonte, Reinaldo Suarez, Nicola Grigoriu y su grupo violista  y  Background Vocals.

Pa cantante invitado e tin tambe Romeo Kilayko, Eddy Kroon, Tommy de Cuba y dos mas cu  lo anuncia despues.

E show lo ta ariba DIARAZON 5 di juni na Cas di Cultura y lo cuminsa pa 8’or en punto.

E show aki lo ta un danki di Ami Mendez na su fanatico di Aruba y cu sigur e kier gradici pa nan apoyo di semper.

Di akinan caba Ami Mendez kier gradici boso tur di curazon pa tur loke bo a nifica pe den su bida artistico aki na Aruba.

- Advertisement -

DUNA COMENTARIO

Please enter your comment!
Please enter your name here