Home arte y espectaculo Show di ballet ‘The Firebird’, den Cas di Cultura

Show di ballet ‘The Firebird’, den Cas di Cultura

128
0
SHARE
- Advertisement -

Annual Student Showcase di Koslov Dance Academy

ORANJESTAD (AAN) : Dia 2 di juni venidero Koslov Dance Academy lo presenta como punto culminante di su Annual Student Showcase e show di ballet ‘The Firebird’, den Cas di Cultura.

Den e show aki lo participa mas cu 95 studiante di e academia. Joshue Garcia, di 19 aña, lo baila e papel principal di prins Ivan. Joshue a join Koslov Dance Academy un aña y mey

pasa cu e pregunta si e por siña baila ballet.

No ta custumber pa un persona cuminsa training di ballet na un edad asina avansa. Pero rapidamente a ripara cu el a progresa lihe den e baile door di su deseo grandi pa siña baila ballet.

Na juni aña pasa, Joshue a realisa e papel dificil di Albrecht den e di dos act di ‘Giselle’ den un forma artistico cu estilo y remarcabel forma di baila den duo. Den e aña cu a pasa Joshue a bay studia Graphic Design na Canada mientras cu el a sigui cu training di ballet na Toronto. El a realisa con hopi e hendenan ta aprecia, respeta y respalda e arte di ballet den un pais grandi.

Awor cu Joshue a bolbe Aruba pa algun luna, e lo baila e rol principal den e ballet ‘The Firebird’ cu dos bailarina kendenan ta Adriana Koslov y Andrea Nuboer.

Ta maraviyoso pa mira su progreso y madurez. Su storia ta importante pa otro mucha hombernan y studiantenan di ballet reconoce cu un soño por bira realidad pa medio di trabou duro y training adecua.

Comunidad di Aruba ta keda cordialmente invita pa presencia e actuacion spectacular ‘The Firebird’ cu lo conta cu paisahe bunita di Rusia.

Ta trata di un storia di amor y magia cu grandi y chikito por disfruta.

- Advertisement -

DUNA COMENTARIO

Please enter your comment!
Please enter your name here