Home Parlamento Sue-Ann Ras (MEP): Awor Meldcode y Meldpunt lo haya un base...

Sue-Ann Ras (MEP): Awor Meldcode y Meldpunt lo haya un base legal

125
0
SHARE
??????????
- Advertisement -

ORANJESTAD (AAN): Durante conferencia di prensa di dialuna ultimo, Parlamentario Sue-Ann Ras a duna splicacion amplio tocante meldpunt y meldcode. Recientemente Minister di Husticia a indica cu desde 1 di juni 2019, Afdeling 3A, cu ta contene meldpunt y meldcode, ta bin na vigor y den funcion via un decreto (landsbesluit).

Parlamentario Ras ta gradici Minister di Husticia pa tuma e accion aki, ya cu ta for di aña pasa, Ras tabata bezig ta trek e ley aki y e unico forma mas rapido cu por pone den practica, ta door di pone den un decreto, mirando e importancia cu esaki tin den nos comunidad.

Ta bon pa remarca tambe cu ta for di 2016 Parlamento a aproba e ley aki den ‘boek 1’, pero nunca e ley a bin na vigor, paso tabata wardando riba un ‘invoeringsverordening’. Pues porfin meldpunt y meldcode tin un base legal.

   MELDCODE Y MELDPUNT:

“Pa splica en corto tocante esaki, ta bon pa indica, cu durante aña 2018 a papia cu diferente stakeholders y tabatin hopi preocupacion, cu si e ley aki drenta na vigor e momento ey, e no lo funciona. Esaki ta debi cu mester tin tur e precondicionnan bon delinea y structura prome, pa evita cu e lo bira un otro ley ‘morto’ mas y ehempel tin hopi”, Ras a indica.

Meldcode abuso di mucha ta un plan di 5 paso bon delinea, unda ta bisa kico e profesionalnan mester haci, ora nan tin sospecho di abuso di mucha. Pues e meldcode ta un guia hopi practico y eficiente, pa e meldingnan por flui mas eficiente y rapido, Ras a sigui amplia.

“Pa loke ta trata meldpunt, ya caba Bureau Sostenemi ta fungi como punto di central di conseho, raporta y coordinacion relaciona cu maltrato di mucha y ta traha cu diferente instancia, organizacion, cu tambe ta traha riba tereno di combati maltrato y abuso di mucha”, Ras a sigui bisa. Idea ta pa Bureau Sostenemi lo sigui fungi como meldpunt, paso ya ta casi asina caba, pero e ley no ta indica esaki ainda, paso nan mes no kier. Segun e ley, Minister, encarga cu husticia, por apunta un instancia cu lo funciona como ‘advies- en meldpunt voor kindermishandeling’, via un decreto, mas cu claro despues di a scucha e Minister di Asuntonan Social y Minister di Salubridad.

    LOKE FALTA AINDA:

“Ministerraad mester bin cu un Lb-ham pa apunta e diferente sectornan/instancianan, cu lo ta obliga pa traha nan meldcode. Esaki ta conoci como un ‘afwegingskader’, of un cuadra di evaluacion.

Den e cuadra di evaluacion aki cada sector profesional, pensando riba e siguiente 4 sectornan: husticia, social, enseñansa y salubridad, lo traha nan propio meldcode. Pa aclarea, e 5 stapnan di e meldcode ta keda mescos cu e meldcode basico, pero awor e ta un norma profesional, pa haci e melding na Bureau Sostenemi, ora tin sospecho di insiguridad grave y structural. E cuadra di evaluacion ta duna espacio unda cada profesional mester meld, ya cu nan ta protegi den e cuadro aki, via e ‘vertrouwenarts’.

E ‘afwegingskader’ ta yuda y facilita e profesionalnan pa haci melding, si e mayornan kier of no, p.e. dokter, psicologo, docente, polis, etc. si tin abuso di mucha y ora di tuma decision. Pues aki tambe ta elimina e parti, unda cu no mester depende di e mayornan pa meld un caso”, Ras a enfatisa.

Pero atrobe esaki ta un decision cu mester tuma lugar den ministerraad, unda cu cada organizacion mester crea nan propio meldcode, uzando e modelo basico como punto di salida.

Banda di esaki, Minister di Asunto Social lo haya derecho, pa pone un reglamento y dicidi e condicionnan relaciona cu e elementonan di e Meldcode. “Mester menciona tambe cu UNICEF  a compromete tambe cu lo duna nan aporte na e parti aki y ya ta buscando un persona ideal y capacita pa bin duna asistencia na e veld profesional cu nan ‘afwegingskader’”, Ras a finalisa bisando.

- Advertisement -

DUNA COMENTARIO

Please enter your comment!
Please enter your name here