Home Naturaleza Ta bay instala sensor na 5 diferente area rond di Aruba pa...

Ta bay instala sensor na 5 diferente area rond di Aruba pa midi calidad di aire

174
0
SHARE
- Advertisement -

Datonan lo bira publico y accesibel

ORANJESTAD (AAN):  Christie Mettes di ‘Metabolic Foundation’ a laga sa den conferencia di prensa semanal di Departamento di Salubridad Publico cu nan ta bay cuminza cu un proyecto pa midi calidad di aire na Aruba.

El a indica cu pa logra esaki nan ta bay instala 5 sensors, na 5 diferente lugar na Aruba.  Algun caminda nan ta pensa cu tin bon calidad di aire y otronan mal calidad.

For di esaki lo saca e datonan nacional y publicamente lo ta accesibel, Mettes a remarca.

Algun di e accionnan cu ta wordo proponi door di World Health Organization (WHO) ta pa produci energia mas limpi. Produccion di energia ta un di e causanan mas importante pa loke ta contaminacion di aire.

Instalacion di ‘particles holders’ ariba ‘exhaust’ di auto. Esaki ta un servicio cu no tin na Aruba ainda, a remarca, pero cu ta hopi importante pa trece.

Otro accion ta un mihor maneho di desperdicio y pa planta mas y corta menos mata, a sigui bisa.

Si ta wak cu un 40% di e area tin mata, hasta den un area urbano, esey ta mehora e aire significativamente, Mettes a duna di conoce.

El a finaliza bisando cu Directie Natuur en Milieu ta interesa den haya e datonan aki, mescos cu Departamento di Salubridad y nan ta haya apoyo di Futura Lab, cu ta e departamento di Innovacion di Aruba.

E ta kere cu tin interes y apoyo ariba e problematica aki, pero e no ta un programa gubernamental.

‘Metabolic Foundation’ ta hayando subsidio e aña aki door di UNESCO. E meta di e programa ta pa final di aña produci un rapport y un website unda por haya acceso na e datonan.

Ainda e sensornan no a wordo instala, pero dentro di poco nan lo wordo instala na 5 diferente area combina pa asina por haci despues un comparacion.

E areanan lo wordo dicidi conhuntamente cu Directie Natuur en Milieu, a indica.

- Advertisement -

DUNA COMENTARIO

Please enter your comment!
Please enter your name here