Home Tempo Ta importante pa comunidad ta prepara pa e temporada di horcan, pero...

Ta importante pa comunidad ta prepara pa e temporada di horcan, pero pa cualkier otro calamidad

44
0
SHARE
- Advertisement -

Rene Ridderstap di Bureau Rampenbestrijding:

ORANJESTAD (AAN):  Den e National Hurricane Conference 2019 a sali afor pa sigui duna informacion y educacion na comunidad.  Rene Ridderstap di Bureau Rampenbestrijding Aruba a participa den e conferencia aki y el a duna di conoce cu pa logra esaki nan ta bay haci uso di medionan di comunicacion y social media.

El a agrega cu e temporada di horcan ta cuminza na Juni, pero mayoria di e actividadnan grandi ta cuminza na Augustus of September.

Pesey ta bay pone pa keda duna informacion na scolnan. Ta bay tin reunion cu un organizacion di scolnan na Aruba pa traha ariba nan plannan.

Mester stimula cada persona pa traha nan plannan y pa ta prepara pa traha un pakete pa sostene e mes y su famia pa por lo menos tres dia.

Rampen Bureau ta bay traha hopi ariba e parti di comunicacion. Ta bay tin e curso pa haya e licencia di radio amateur. A wak ultimamente e situacion unda coriente a bay y comunicacion a cay completo pa varios di e ‘first responders’. Esey a pone cu si tin e parti di radio amateur, esey ta un di maneranan pa comunica cu por sigui draai durante un situacion asina.

Na Juni lo tin un training hunto cu diferente instancia den diferente escenarionan, Ridderstap a indica. Esey a pasa aña pasa  pero e biaha aki ta bay tin training 72 ora completo. Ta bay train ariba e parti digital unda a bin cu e sistema RAVEN cual a caba di wordo introduci y ta uno hopi moderno.

Pa loke ta documentacion a indica cu ta importante pa tur hende tin e formularionan cu ta wordo uza, conoce esakinan Esaki ta un parti cu Merca a mustra riba dje. Tambe ta importante pa traha hunto pa asina tene cuenta cu no mester tin miedo di perde autoridad. Mester sa kico ta e procesonan cu tin cu ehecuta, a remarca.

Segun Rene Ridderstap, lo involucra e companianan di telecomunicacion pa asina yega mas facil na tur hende a medio di mensahenan. Esaki ta algo cu ta sosode na Hulanda exitosamente.

Ta importante pa comunidad ta prepara pa e temporada di horcan, pero pa cualkier otro calamidad, a finaliza bisando.

- Advertisement -

DUNA COMENTARIO

Please enter your comment!
Please enter your name here