Home General “Ta parce cu riba grondbelasting tin manipulacion di cifra cu e reforma...

“Ta parce cu riba grondbelasting tin manipulacion di cifra cu e reforma fiscal nobo”

173
0
SHARE
- Advertisement -

Segun ciudadano:

ORANJESTAD (AAN) – Manera Gobierno a bin ta anuncia relaciona cu e Reforma Fiscal, nan a bin cu un ahustacion di grondbelasting, no obstante, tin ciudadanonan cu no ta completamente satisfecho cu e forma con esaki ta tumando lugar.

Un ciudadano ta reclama cu el a haya un aanslag di su grondbelasting 2019 cu un rebaho di solamente 36 florin. Den pasado e tabata paga un suma di 864 florin pa aña y awor cu e reforma fiscal nan a bahe na 828 florin.

E, como ciudadano, no tin problema cu esaki pasobra cu loke e ta haya e ta keda contento. El a comenta cu pa esun di 2018 nan a mande un aanmaning (30 Nov. 2018), unda el a wordo cobra 658 florin excl. rente y un boet pasobra segun Belasting e no a paga. El a bay Servicio di Impuesto y a demostra cu prueba cu e grandbelasting di 2018 ta full paga. Nan a pidi pa kibra e aanmaning. Pero ora el a sigui bay pa e aanslag di 2017 el a ripara cu nan a cobre 864 florin normal pa aña pero den e splicacion al a haya vrijstelling do 60.000 florin riba e balor di e cas di 276.000 florin, y a cobre 4% riba 216.000 florin, como valor di e parcela y a paga 864 florin.

Pero si gobierno ta papia di un manera cla, den e aanslaag di 2019 nan mester a cobre riba e valor di 216.000 florin y e ora ey e lo a cay den e categoria di 250.000 florin bay abao, locual lo a cumbini e persona, pero esey no ta e caso. Nan a cobre 0.3% riba 276.000 florin, kiermen no a dune e vrijstelling y no a bise nada sino cu nan ta hunga cu e calculacion y pone cay den e categoria di 250.000 florin bay ariba y pesey el a haya un descuento di solamente 36 florin. Kiermen, si nan lo a haci uso di e suma di 216.000 florin como valor di e cas e lo a paga den e categoria di 250.000 florin bay abao.

Esaki lo nifica cu e ciudadano lo a haya un definitive aanslag di solamente 0.2% di 216.000 fls, cu lo ta un suma di 432 florin, cu e sistema di reforma fiscal actual.

Mientras antes ta cobra e ciudadano 0.4% e valor di 216.000 florin cu ta sali 864 florin pa aña. Esey semper e ciudadano ta paga.  Awor, lamentablemente, ta cobra e ciudadano 0.3% di e valor di 216.000 florin cu ta sali 828 florin. Esaki ta un diferencia di 36 florin so pa aña di locual e ciudadano ta paga.

Si Departamento di Impuesto a uza e valor di 276.000 florin kitando e vrijsteling di 60 mil florin, e ciudadano lo mester a paga actualmente, cu e reforma fiscal nobo aki, solamente 0.2% di 216.000 florin cu ta sali 432 florin pa aña envez di 828 florin di loke e ta paga pa aña.

- Advertisement -

DUNA COMENTARIO

Please enter your comment!
Please enter your name here