Home CORTE Tata a bringa caso den Corte pa por haya contacto bek cu...

Tata a bringa caso den Corte pa por haya contacto bek cu yiu di 7 aña

4422
1
SHARE
- Advertisement -

Mama a bay cu yiu Argentina cu “vakantie” y no a bin Aruba bek

*Mucha a wordo aleha di su tata pa decision unilateral di e mama

*Ley y tratadonan ta pone yiu na prome lugar

ORANJESTAD (AAN): No ta prome biaha cu un caso asina ta sosode na Aruba. Ta varios biaha caba cu un mayor ta haci denuncia cu el a laga e otro mayor sali for di Aruba cu nan yiu y e mucha no a bin bek Aruba nunca mas.

Esey ta e caso di Edmar Gietel, kende a duna di conoce cu na September 2017,  e mama a pidi’e pa e bay Argentina cu vakantie, cu e yiu homber pa dies dia.

Como tata el a duna chens pa e yiu bay cu vakantie cu e mama y bay conoce Argentina. E dianan a pasa y el a ripara cu nan no ta bin bek.

 

SITUACION

Te awe, 19 luna despues, te ainda su yiu no a bin bek Aruba. E ta wak su yiu via Skype, un biaha pa siman. Pero esey ta ora e mama kier pa  e yiu ta yama via Skype y asina ta laga Gietel  wak su yiu.

“E areglo cu e mama a bin cun’e den e tempo cu a pasa ta cu mi mag di yama mi yiu tur diaranzon, tur diabierna y tur diadomingo 7or y mey di anochi ora di Aruba”, a splica.

E ta lamenta cu e ta no ta contesta su yamadanan. E ta yama na ora cu e kier y no na e ora cu a palabra.

Segun Gietel, su derechonan a wordo kibra pero tambe di su yiu homber. E yiunan nan a bise cu e ta bay Argentina cu vakantie 10 dia, pero a hibe un pais cu no ta di dje. Awor e mucha cu ta arubiano, ta bibando ilegal na Argentina pasobra e no por haya su papelnan manera mester ta.

 

AREGLO INICIAL

“Dia cu el a bay cu mi yiu, ami no tabata tin gezag, (…) pero den e tempo cu a pasa e mama a firma un acuerdo cu e ta duna mi 50 porciento gezag. Awo tambe ami tin derecho como tata ariba mi yiu y esey ta cambia full e caso”, a declara.

E acuerdo aki a wordo firma na October. Na Argentina nan a legaliza e documento aki cu e mama mes a firma pa e bay di acuerdo.

El a laga sa cu awor nan ta den Corte na Aruba unda kier pa Corte reconoce loke a wordo firma na Argentina door di e mama mes, cu ta cu e mama a dune gezag den un 50%.

E documento a wordo presenta den corte y awor e mama cu su abogado ta purba di contradeci su mes di locual a wordo firma. ‘Nos ta keda positivo cu e mama y su abogado por recapacita y bisa cu e meneer tin derecho ariba 50%  porciento gezag cu e tin pa su yiu.

“Esey ta lo corecto pasobra e mama no a haya e yiu su so, el a haye cu un persona y e yiu mester wordo lanta door di tur dos”, a manifesta.

Edmar Gietel a lamenta cu e embahada hulandes na Argentina “a traiciona mi. E embahada hulandes ningun momento kier a yuda mi. (…) Mi a manda nan email, mi a yama nan, mi a laga mi abogado papia cu nan y nan a nenga di yuda mi siendo cu mi tabata tin un gezag caba firma door di e mama”, a indica.

 

MAS CASONAN

Gietel a duna di conoce cu su caso no ta e unico. A topa cu mas mayornan cu tin e problema aki y cu nan yiunan a wordo kita for di nan.

Tin mas mayor y muchanan cu ta wordo aleha for di nan ser keri cu tambe nan ta stima. “E casonan aki nos no por permiti mas”, a declara.

 

 

SENTENCIA ARGENTINA

Mientrastanto, el a haya e vonnis for di Argentina y den e vonnis por lesa bon cla e sentencia unda huez ta menciona cu medidanan positivo mester wordo tuma pa e tata por haya contacto bek cu su yiu. Tur esaki a base y teniendo cuenta cu e decision di e mama pa bay Argentina  y separa e yiu for di e tata tabata di forma unilateral.

Banda di esaki, analiza tur e tratadonan di mucha y di derechonan humano y tur ta papia di prome e mucha na prome lugar.

 

SIGUIENTE PASONAN

Edmar Gietel a dicidi di bay haci e vonnis aki publico pa asina tur hende por les’e pasobra e cosnan aki mester stop. Na Aruba mester regla e leynan pa e cosnan aki no sigui sosode. Esaki tambe ta abuso di mucha como di hende grandi, ora e ta referi na loke ta wordo yama “Parental Alienation).

Riba potret por lesa parti di e sentencia.

- Advertisement -

1 COMMENT

  1. Hopi bn na paisnan latino un mucha reconoci ta sali solamente cu authorization di e tata, y vakantie no ta permiso di residencia y embajada ta representa hulandes nan y mester a para di biaha cu aki ta trata di secuestro di menor ya cu e mucha nan ta na Argentina y aki ta applicable e ley di e pais.

DUNA COMENTARIO

Please enter your comment!
Please enter your name here