Home Enseñanza TNO Caribbean a forma parti di ‘Project Techniek 2019’ di Colegio EPI

TNO Caribbean a forma parti di ‘Project Techniek 2019’ di Colegio EPI

15
0
SHARE
- Advertisement -

ORANJESTAD (AAN): Dia 11 di april cu a pasa, TNO Caribbean a participa na ‘Project Techniek 2019’ di Colegio EPI (Educacion Profesional Intermedio) cu un tayer riba eficiencia di energia, tecnologia Photo-voltaico y sostenibilidad. Sr. Carlos Martinus, Opleidingsmanager di e Unidad Ciencia & Tecnología di Colegio EPI a invita diferente experto di TNO Caribbean, ingeniero Juan Avellaner, ingeniera Alba de Agustin, pa desaroya e workshop aki hunto cu e studiantenan. E workshop educativo su enfoke tabata riba tecnologia Photo-Voltaico (PV) y sostenibilidad.

Tambe e studiantenan a siña riba mitigacion di cambio climatico, Sustainable Development Goals (SDGs) y material nobo di construccion sostenibel.

A participa un total di 57 studiante di EPI cu specialidad riba electricidad, mecanica y construccion. Na final di e workshop a conduci un encuesta, cual a indica cu mas di 80% di e studiantenan aki a husga e workshop como hopi interesante y util.

Nan a expresa e deseo di ricibi den futuro mas workshops y actividad riba e materianan aki. Di e encuesta por saca afo cu e interes ta keda halto riba e topiconan aki, ya cu esaki ta nan ramo di experticio cu nan ta desea di haya informacion di tur avance nobo. Tambe por lo menos 40% di e studiantenan ta interesa pa logra un certificado profesional specifico riba tecnologia Photo-Voltaico y sostenibilidad.

E actividadnan aki ta genera interes den e studiante pa un carera riba tereno di energia renovabel, y motivacion pa siña mas di e materia riba sostenibilidad. E actividad aki ta un contribucion importante pa engrandece e capacidad y e cantidad di profesionalnan Arubano specialisa cu por drenta den termino cortico den industria solar y sostenibilidad pa nos isla y despues tambe e resto di region Caribense.

- Advertisement -

DUNA COMENTARIO

Please enter your comment!
Please enter your name here