Home General Ultimo gigante di petroleo ta bandona Venezuela

Ultimo gigante di petroleo ta bandona Venezuela

901
0
SHARE
- Advertisement -

Desaroyo grave den panorama di Citgo Aruba

Repsol ta bandona Venezuela

ORANJESTAD(AAN)–Informacionnan cu DIARIO a ricibi ultimo ora ayera nochi ta indica cu e gigante petrolero di Spaña, Repsol, cu mester tabata parti di e proyecto rehabilitacion refineria di Aruba dor di Citgo, a dicidi cu e ta cera su negoshinan na Venezuela.

E compania, e ultimo compania gigante di petroleo cu operacionnan mayor na Venezuela, a dicidi di bandona e pais mientras presion di e medidanan di Merca contra regimen Maduro ta aumenta y intrankilidad ta continua.

Repsol na 2017 tabata tin inversionnan total di casi 1.7 Biyon Dollar na Venezuela. Durante ultimo aña su negoshinan a bay atras cu 70 porciento. E relato anual di e compania a mustra cu e compania ta sigui reduci su negoshinan na Venezuela durante e proximo lunanan.

Pa Aruba esaki ta nifica cu e compania cu mester a participa den e proyecto Citgo lo bira su lomba pa Venezuela.

Manera DIARIO a adverti, esaki ta un di e riesgonan grandi cu e proyecto refineria cu Aruba a acorda cu Nicolas Maduro tabata encera.

Informacionnan di ultimo ora ta indica, cu e caida di Maduro a pesar di e forma cu entre otro Cuba a demostra sosten, ta na bista ya cu e pais no tin base economico ni financiero cu Maduro por uza pa mantene su poder. E compania a nenga cu su decision ta basa riba presion di Merca.

Mas den e edicion di mañan.

- Advertisement -

DUNA COMENTARIO

Please enter your comment!
Please enter your name here