ORANJESTAD (AAN): Fontein Kleuterschool y Universidad di Aruba a celebra un logro recien dia 9 di mei. Nathany Boekhoudt, Oxana Bednyuk, Juan Diaz, Gia Kolfin y Nya Underwood a bin cu e meta pa logra haya 8 tablets pa e kleuterschool.
Esaki tabata parti di nan vak Meetings, Incentives, Conventions, Events, cual ta parti di nan curriculum na e Faculty of Hospitality and Tourism Management Studies. Planeacion di e evento a cuminsa for di Januari caba y e evento a tuma lugar dia 6 april.
E evento aki tabata yama Family Funtein Day unda mayor por a pasa busca snacksbox, johnny cake, raspao, sopi, alavez tabata tin wega nan atractivo pa e mucha nan. Cu e fondo recauda di e evento aki nan a surpasa nan goal di 8 tablets pa e scol y yega na 12 tablets.
E muchanan di Fontein lo tin e oportunidad awor pa explora e mundo di tecnologia den un manera sano y educativo.
