Home Enseñanza WeConnect, ta organisa su prome seminario den colaboracion cu Universdad di Aruba

WeConnect, ta organisa su prome seminario den colaboracion cu Universdad di Aruba

13
0
SHARE
- Advertisement -

ORANJESTAD (AAN): ‘WeConnect, un organisacion na Hulanda, tin ta sirbi Reino Hulandes pa basta tempo caba. Nan ta percura pa educacion, guia di carera y ta investiga reto social cu ta afecta e hubentud di awendia – cu ta lanta den un mundo diferente di esun cu nan mayornan conoce.

Ultimo añanan a bira cla cu Aruba tin un complehidad social unico di estado insular.

‘WeConnect’ Aruba ta determina pa clarifica e complehidadnan aki pa medio di educacion, empoderacion y door di comparti informacion.

Aruba ta unico. Turismo y imigracion a trece hende di tur parti di mundo hunto, den un comunidad relativamente solido. Sinembargo, turismo y imigracion ta defini pa gran parti tambe e structura social di e isla.

Nos yiunan ta enfrenta hopi presion, barera di idioma, oportunidad limita y norma social cu ta varia, esakinan ta crea kloof cu ta influencia e oportunidadnan individual limita.

‘WeConnect’ kier sirbi como brug- pa yuda hende crusa e kloofnan ey, y haya oportunidad.

‘WeConnect’ Aruba ta consisti di, Dr. Paula Kibbelaar, Antropologo Cultural cu un PhD den Sciencia Social y presidente di e fundacion; Patrick Brown, abogado prominente y tesorero di e fundacion y Rose-Marie Provence MSc, Presidente di Fundacion Muchila Creativo y educado musical na IPA (Instituto Pedagogico Arubano) y secretaria di WeConnect.

Nan lo ta trahando hunto pa pone lus riba e problemanan scondi bou di superficie di e cultura diverso di Aruba. Unabes den claridad, por percura pa solucion adecuado pa e problemanan aki pa e comunidad local.

WeConnect, ta organisa su prome seminario den colaboracion cu Universdad di Aruba, riba 24 di mei 2019 den aula di Universidad di Aruba, pa tur hende cu ta interesa pa conecta cu otro y siña mas di e organisacion aki.

 

MISION y VISION di ‘WECONNECT’ ARUBA

Na 2015 a establece e fundacion ‘WECONNECT Aruba como co-fundacion di WECONNECT Hulanda, pa facilita, sostene y inicia proyecto, iniciativa y seminarionan  tocante educacion y hubentud den Reino Hulandes y Surinam, pero particularmente den e islanan di Caribe Hulandes.

E mision di Weconnect Aruba ta pa inicia, facilita y sostene tur actividad, proyecto y seminario cu ta enfoca riba e importancia di un plataforma sostenibel inclusivo cu ta brasa tur e experiencianan di inclusion, diversividad, conscientisacion social y proceso emancipatorio

di transformacion. Educacion den tur su formanan ta fortifica nos hubentud; e futuro generacion di Aruba.

Esaki nifica un comprendemento profundo di e contexto politico, social y economico y e perspectivanan soicio-economico actual cu ta determina e oportunidad y retonan cu nos hubentud di tur clase di decendencia etnico ta enfrenta awendia.

E vision di Weconnect Aruba ta pa inclui tur experiencia di e hobennan cu tin cu deal cu e oportunidadnan educacional dentro di Reino Hulandes, specialmente na Aruba.

Weconnect Aruba ta visualisa un comunidad Arubiano den cua e futuro generacion ta wordo encurasha pa ta activo, ciudadano dedica cu ta percura pa e desaroyo di un sociedad sostenibel, inclusivo  y envolvi na unda tin oportunidad di desaroya como ciudadano dedica, responsabel, cu conocemento, empatico, inclusivo y activo.

Weconnect Aruba ta enfoca riba facilita y inicia tur proyecto y iniciativa cu ta brasa un sociedad inclusivo basa riba conscientisacion participativo y di transformacion cu ta destaca e diferente expriencia, vision y compromisonan di nos hubentud relaciona cu educacion y oportunidad educacional dentro di e contexto Arubiano.

- Advertisement -

DUNA COMENTARIO

Please enter your comment!
Please enter your name here