Home Deporte Weganan di senior interleague a cuminza

Weganan di senior interleague a cuminza

25
0
SHARE
- Advertisement -

ORANJESTAD (AAN)- Den weekend a cuminza cu e prome weganan di Senior Interleague Playoff. Diabierna 3 di mei pa 6:00pm a enfrenta otro Aruba South Senior League vs. Aruba Center Senior League na NCCA . Diasabra dia 4 di mei 2:00pm entre Aruba Center Senior League vs. Aruba North Senior League na Joe Laveist. Y diadomingo 5 di mei 2:00pm e ekipo di Aruba North Center League a enfrenta e ekipo di Aruba South Senior League na NCCA.

Weganan di Senior Interleague lo continua e weekend aki y e schedule ta lo siguiente y tur wega lo tuma lugar na Stadion di Nadi Crismo Angela, ex-Winston na Sta.Cruz (NCCA):

Diabierna 10 mei 6:30pm Aruba South Senior League vs. Aruba North Senior League

Diasabra 11 mei 2:00pm Aruba North Senior League vs. Aruba Center Senior League

Diadomingo 12 mei 2:00pm Aruba Center Senior League vs. Aruba South Senior League

Final di e weganan aki lo tuma lugar dianan 17, 18 y 19 di mei.

Den e categoria di JUNIOR e prome weganan di Interleague Playoff lo cuminsa diasabra 11 di mei pa 11:00am entre Aruba Center Junior League vs. Aruba North Junior League. Diadomingo 12 di mei pa 11:00am Aruba North Junior League vs. Aruba South Junior League y dialuna 13 di mei pa 6:30pm Aruba South Junior League vs. Aruba Center Junior League.

Sr. Melvin Quilotte presidente di ANLL ta remarka cu “Den 2018 y 2019 tur tres liga a sera cabes y bini hunto pa asina fortifica e teamnan den cada categoria midiendo forsa ariba nivel nacional y por mira e resultadonan y e desaroyo di e hungadornan den cada categoria. Nan lo sigui traha hunto pa e bienestar general di Aruba su baseball.”

Aruba (North) Little League kier a invita e pueblo di Aruba pa bin apoya e hobennan cu ta trahando pa e honor di representa Aruba den e region.

Minor:       Mexico City, Mexico (26 juli – 3 augustus)

Major:       Aguadulce, Cocle, Panama (5 – 14 juli)

Junior:      Reynosa, Mexico (5 – 13 juli)

Senior:     Yabucoa, Puerto Rico (21 – 30 juni)

- Advertisement -

DUNA COMENTARIO

Please enter your comment!
Please enter your name here