Home General WKF buscando fondonan pa por cubri cu e demanda di pashentnan cu...

WKF buscando fondonan pa por cubri cu e demanda di pashentnan cu cancer

11
0
SHARE
- Advertisement -

Awe Wilhelmina Kanker Fonds tin colecta ariba caya

ORANJESTAD (AAN):  Lilly Prins di Wilhelmina Kanker Fonds a duna di conoce cu den e luna di April, manera custumber, a cuminza cu e colecta pero solamente dos diasabra esaki a tuma lugar.

Esaki tabata pa e motivo cu tabata tin Semana Santa y Dia di Rey. E ora a sigui den luna di Mei y awe ta e ultimo diasabra cu WKF ta bay tene e colecta ariba caya.

Segun Prins, te cu aworaki por a recauda 49.500 florin pa e campaña di April. Despues di esaki tin cu bin cu e rifa di e aña aki. Sino WKF no lo bay logra haya e entrada pa cubri e demanda cu tin di peticionnan.

Pesey nan ta haci un yamada na comunidad pa e weekend aki, ora cu mira e colectantenan ariba caya pa contribui pasobra esaki ta bay bek den comunidad, a bisa.

Nan meta ta keda cu nan tin cu yuda comunidad ora cu nan ta yega y bati na porta di WKF. E fundacion tambe tin su exigencianan cu un persona tin cu cumpli cune. Pero semper ta asina cu WKF tin cu traha ariba prevencion y yuda comunidad tambe.

Lilly Prins a agrega cu WKF ta un fundacion stabil. El a indica cu na 2017 nan a haya 35 mil florin. Na 2019 e suma tabata 75 mil florin y aworaki apenas nan ta yegando 50 mil florin. Si por yega e 75 mil florin tambe y cu e donacionnan cu nan ta haya di e instancianan como di e rifa, nan ta bon bezig pa yuda tur persona cu tin mester di ayudo.

E gastonan di e fundacion ta surpasa 300 mil florin, Prins a mustra. Banda di esaki a indica cu tin hopi hende cu no kier bati na porta y nan ta pasa den problemanan. Pero ora cu WKF ta tende ta duna un ayudo.

WKF no ta na altura di ken ta malo y tanten cu e persona no yega na e porta e caso no ta conoci. Pero ora cu nan yega bati na porta nan ta wordo ayuda. Masha poco, a bisa, a mira un caso cu nan ta bisa cu no por yuda.

- Advertisement -

DUNA COMENTARIO

Please enter your comment!
Please enter your name here