Home Tempo Ya caba Tormenta Sub-Tropical Andrea a forma riba Oceano Atlantico

Ya caba Tormenta Sub-Tropical Andrea a forma riba Oceano Atlantico

564
0
SHARE
— Andrea no ta forma menaza pa Aruba ni Caribe.
- Advertisement -

ORANJESTAD (AAN): Temporada di Horcan oficialmente ta cuminza dia 1 di Juni 2019.  Sinembargo riba Dialuna atardi, ya caba un Tormenta Sub-Tropical a nace riba Oceano Atlantico.

National Hurricane Center a anuncia oficialmente cu e Tormenta Sub-Tropical “Andrea” a nace y tabata Dialuna atardi 6:30 pm na 28.8º Nort y 68.7º West.  Esaki ta un tiki zuid di isla di Bermuda.

Bientonan maximo sosteni ta di 65 km/h.  E ta moviendo actualmente direccion panort cu 22 km/h.

Te cu awor no a pone ningun warning pa Bermuda, pero toch e isla ta keda vigila e sistema aki cu lo trece hopi awacero.  E tormenta riba Diamars lo cuminza bira mas direccion Noordoost.  E lo keda toch pues zuid of zuidwest di Bermuda.

National Hurricane Center a manda un avion Hurricane Hunter cu a bay check e formamento di nubia, y ta calcula cu den madruga e tormenta por sigui bira un tiki mas fuerte.  Sinembargo e lo bay topa cu un sistema frieu mas panort, y pesey ta calcula pa Diaranzon caba, Andrea lo disipa completamente.

E Tormenta SubTropical Andrea aki no ta forma ningun peligro pa Aruba, ni demas islanan den Caribe.

E nombernan di Horcan pa e aña aki ta Andrea, Barry, Chantal, Dorian, Erin, Fernand, Gabrielle, Humberto, Imelda, Jerry, Karen, Lorenzo, Melissa, Nestor, Olga, Pablo, Rebekah, Sebastien, Tanya, Van, y Wendy.

 

- Advertisement -

DUNA COMENTARIO

Please enter your comment!
Please enter your name here