Home General A traha un protocol pa tur scol atende cu muchanan cu padece...

A traha un protocol pa tur scol atende cu muchanan cu padece trastorno di Dislexia

351
0
SHARE
- Advertisement -

Fundacion Pro Persona cu Dislexia kier pa e mucha haya e guia suficiente y adecua

ORANJESTAD (AAN):  Eveline Arends ta miembro di e  directiva di Fundacion Pro Persona cu Dislexia. Den un rueda di prensa el a indica cu nan ta kere cu un protocol pa anda cu e trastorno di dislexia ta hopi importante.

E protocol lo pone reglanan cu ta bay trece mas guia concreto pa e muchanan. Un mucha cu ta na scol y cu ta haya un guia concreto y e wordo detecta tempran cu e tin e problema di dislexia, e ora via di e protocol por tin un guia.

Fundacion Pro Persona cu Dislexia kier un protocol. Nan a traha basta tempo ariba dje. A costa basta trabao pero e beneficionan di un protocol ta cu e mucha lo haya oranan extra, material, cierto derechonan.

A base di e protocol ta bay yuda e mucha pa e funciona mihor den cuadra di e problematica cu e tin, Arends a bisa.

“Nos ta convenci y tin hopi estudio cu a mustra tambe cu ora un mucha wordo detecta tempran, e ta bay progresa hopi mas mihor. Dislexia ta bay bira algo cu no ta un estorbo grandi p’e pa futuro”, a señala.

Detecta dislexia den un etapa tempran ta hopi importante. Pesey e protocol ta importante pa e fundacion y lo keda mustra cu esey ta e guia cu e mucha por tin y e procedura cu mester haci pa e muchanan por wordo detecta tempran cu nan tin un problema.

A sigui bisa cu e intencion ta pa den e periodo escolar nobo parti e protocol pa tur scol y a base di esey por guia e mucha.

E fundacion ta habri pa sugerencianan, cambio pasobra un producto ta bira mihor ora cu den vel mas hende a traha ariba dje y a modifik’e y/of drech’e pa mihor, a splica.

Den futuro lo percura pa tin reunionnan cu pa asina por haci mehoracion. E protocol ta pa e mayornan tambe ta mas conciente, pa haya un solucion y un guia pa nan yiu.

Eveline Arends, kende proximamente lo bira e presidente di e fundacion, a agrega cu e fundacion ta esun cu a traha e protocol. Nan a entregu’e caba na minister di enseñanza y nan a pidi’e tambe cu si e por percura pa haya e sosten suficiente.

Di awor pa dia cu e scol habri bek si tin cambionan, por bin, pasobra e minister lo a percura pa bin cambio pa medio di Directie Onderwijs of di su bureau.  “Si esey no ta pasa, e ora ey di tur manera entrante e nieuwe school jaar  nos protocol ta drenta scol. Nos a traha basta aña ariba dje, esey ta e meta principal pa nos (…) y esey ta e fundeshi cu por yuda cu di berdad nos por yuda e mucha”.

Mientras cu no tin un protocol y e procedura bon regla tur scol por haci algo y keda sin haci algo y e fundacion no por haci nada. A subraya cu e fundacion kier proteha e mucha y zorg pa e haya e guia suficiente y adecua.

- Advertisement -

DUNA COMENTARIO

Please enter your comment!
Please enter your name here