Home Tempo Alerta pa biento fuerte y lama duro ta valido pa awe

Alerta pa biento fuerte y lama duro ta valido pa awe

53
0
SHARE
- Advertisement -

Ola por ta hasta 10 pia halto

ORANJESTAD (AAN): Departamento Meteorologico di Aruba a emiti un alerta pa Biento Duro, y tambe un aviso pa Boto Chikitonan riba lama.  Pasobra esaki tambe ta bruto.

E alerta pa biento duro ta na vigor te otro aviso.

E aviso pa boto chikito pa lama habri, specialmente areanan di costa panort te noordwest, ta na vigor tambe te otro aviso.

Humedad laga atras pa un Ola Tropical, lo bay produci Diaranzon mainta trempan momentonan cu hopi nubia for di cual por cay localmente un awacero breve.

Un siguiente Ola Tropical cu tabata ayera na parti pariba di Caribe, ta moviendo direccion pabao y lo bay pasa den region riba Diahuebs, aumentando e chensnan pa awacero den area local.

Di otro banda, por bisa cu e diferencianan di presion di aire den region ta sigui di ta grandi, creando un biento fuerte cu tin biaha ta hopi duro den rafaga.  Pesey mes un alerta pa biento fuerte y lama localmente bruto ta na vigor te cu otro aviso.

Olanan di lama lo ta di pariba cu haltura di 5 te cu localmente 9 pia.  Esaki por hasta bira 10 pia halto riba Diaranzon.  Un aviso pa botonan chikito ta na vigor te cu otro aviso y ta pidi ocupantenan di boto chikito pa bay cu cautela riba lama habri, specialmente na parti pariba te noordwest di costa.

 

- Advertisement -

DUNA COMENTARIO

Please enter your comment!
Please enter your name here